Hieroj vyzvaleńnia Maryupala ŭ 2014-m staŭ kamandujučym Suchaputnymi siłami USU
Prezident Ukrainy Uładzimir Zialenski 29 listapada abviaściŭ, što pamianiaŭ kamandujučaha Suchaputnymi siłami USU: zamiest hienierał-lejtenanta Alaksandra Paŭluka pryznačany hienierał-major Michaił Drapaty.
Akramia taho, Zialenski pryznačyŭ namieśnikam hałoŭnakamandujučaha USU pałkoŭnika Aleha Apostała.
U karotkim tłumačeńni pryčyn hetych kadravych pieramienaŭ Zialenski zhadvaje nieabchodnaść «ukaranieńnia inavacyjnych padychodaŭ u kiravańni ludźmi va Uzbrojenych siłach Ukrainy».
«Ukrainskamu vojsku patrebnyja ŭnutranyja źmieny dla poŭnaha dasiahnieńnia metaŭ našaj dziaržavy», — zajaviŭ prezident Ukrainy.
Hienierał-major Drapaty, jak havorycca ŭ paviedamleńni ab pryznačeńni, arhanizavaŭ abaronu na Charkaŭskim kirunku i sarvaŭ nastupalnuju apieracyju rasijan, a pałkoŭnik Apostał dahetul kamandavaŭ 95-j desantna-šturmavoj bryhadaj.
42-hadovy Michaił Drapaty, pryznačany kamandujučym Suchaputnymi siłami — vypusknik Nacyjanalnaha ŭniviersiteta abarony Ukrainy imia Čarniachoŭskaha. U bajavych dziejańniach jon udzielničaje z samaha ich pačatku ŭ 2014 hodzie.
U pačatku Antyterarystyčnaj apieracyi (ATA) Drapaty kamandavaŭ bataljonam 72-j asobnaj miechanizavanaj bryhady. 9 maja 2014 hoda bataljon pad jaho kamandavańniem vykanaŭ bajavoje zadańnie ŭ Maryupali.
U červieni 2014-ha jon udzielničaŭ u rejdzie ŭzdoŭž miažy z Rasijaj, utrymlivaŭ Savur-mahiłu i ździejśniŭ paśpiachovy praryŭ praz «Izvarynski kacioł». Cikavy fakt — Michaił Drapaty znachodziŭsia ŭnutry «latučaj BMP», jakaja razburyła barykadu, zbudavanuju rasijanami ŭ Maryupali.
U 2016 hodzie Drapaty staŭ načalnikam štaba i pieršym namieśnikam kamandzira 30-j asobnaj miechanizavanaj bryhady, u 2016-2019 hadach byŭ kamandziram 58-j asobnaj motapiachotnaj bryhady.
Padčas kontrnastupleńnia USU na poŭdni Ukrainy vosieńniu 2022 hoda kamandavaŭ apieratyŭnaj hrupoŭkaj vojskaŭ «Chierson», braŭ niepasredny ŭdzieł u vyzvaleńni Chiersona. U lutym 2024-ha jaho pryznačyli namieśnikam načalnika Hienštaba USU, u mai pryznačany kamandujučym apieratyŭna-taktyčnaj hrupoŭkaj «Charkaŭ».
Kab viarnuć svaich sałdat z pałonu, Ukraina hatova mianiać ich navat na kałabarantaŭ, što supracoŭničali z Rasijaj, i na kostki savieckaha špijona
Zialenski: Rasijanie ŭdaryli «Kalibrami» z kasietnymi bojeprypasami
ZŠA rekamiendujuć Ukrainie źnizić pryzyŭny ŭzrost da 18 hadoŭ
Žurnalisty acanili, kolki ŭkraincaŭ zahinuła ŭ vajnie z rasijanami
Zialenski: Ciapier u nas jość ATACMS. My ŭsio heta budziem vykarystoŭvać
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia25
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary