Śviet1414

Izrail nie biez zadavalnieńnia naziraje za bitvaj hadziuki i žaby ŭ Siryi

Paradaksalna, ale jaŭrejskaj dziaržavie vyhadna, kab abodva baki asłabli, ale nivodzin nie pieramoh.

Pachavalnaja pracesija ŭ honar členaŭ Korpusa vartavych Isłamskaj revalucyi, zahinułych u vyniku ŭdaru pa Siryi, za jaki Iran abvinavačvaje Izrail. 5 krasavika 2024 hoda. Fota: Majid Saeedi / Getty Images

Izrail praciahvaje vykazvać zaniepakojenaść apošnimi padziejami ŭ Siryi, ale nie śpiašajecca padtrymać nastup apazicyjnych siłaŭ suprać režymu Asada. 

Jak adznačaje The Wall Street Journal, jaŭrejskaja dziaržava staić pierad vybaram: «znajomy djabał» ci isłamisckija paŭstancy?» Heta pytańnie, na jakoje niama adnaznačnaha adkazu.

U čym mahčymyja plusy dla Izraila ad režymu Asada i ŭ čym ryzyki ad prychodu da ŭłady hrupovak, što nastupajuć na jaho, — davajcie raźbiarem krok pa kroku.

Asad kantraluje situacyju ŭ Siryi: plusy i minusy

Pačniem ad minusaŭ.

  • Asad byŭ i zastajecca sajuźnikam Irana — hałoŭnaha rehijanalnaha praciŭnika Izraila. Jahony kantrol nad Siryjaj aznačaje zachavańnie ŭpłyvu Irana i robić mahčymym pieradavać zbroju «Chiezbale», a heta aznačaje pramuju pahrozu dla Izraila.
  • Kali Asad vyžyvie i kansaliduje svaju ŭładu, to jość ryzyka, što jon ŭmacuje adnosiny ź Iranam. Heta padarvie namahańni Izraila asłabić sietku sajuźnikaŭ i ŭzbrojenych proksi Irana.

Jość i plusy:

  • Režym Asada — «viadomaja vieličynia» dla Izraila, «djabał, jakoha my viedajem». Panavańnie Asada daje pradkazalnaść, i Izrail ciaham mnohich hadoŭ navučyŭsia funkcyjanavać u susiedstvie z hetym režymam.
  • Režym Asada, što praŭda, padtrymlivaŭ «Chiezbału» ŭ jaje kanflikcie ź Izrailem, ale heta była aściarožnaja i strymanaja padtrymka. Režym spryjaŭ pieradačy zbroi, ale nie pasyłaŭ vojskaŭ.
  • Apošnim časam Asad sprabavaŭ naładzić adnosiny z prazachodnimi arabskimi dziaržavami. Heta davała nadzieju na pastupovaje pasłableńnie jaho sajuzu ź Iranam i padtrymki «Chiezbały».

A što, kali Asad hublaje kantrol nad Siryjaj?

U takim vypadku terytoryja Siryi, chutčej za ŭsio, stanie arenaj baraćby niekalkich razroźnienych hrupovak. Siarod ich na pieršy płan, chutčej za ŭsio, vyjdzie «Chajat Tachryr aš-Šam» (CHTŠ).

Mahčymyja plusy:

  • Asłableńnie režymu Asada i frahmientacyja Siryi mohuć pazbavić Iran mocnaha sajuźnika ŭ rehijonie. Heta patencyjna asłabić upłyŭ uzbrojenych hrupovak, jakija padtrymlivajucca Iranam, takich jak «Chiezbała».
  • Niestabilnaść siarod sajuźnikaŭ Asada (Iran, Rasija, «Chiezbała») moža abmiežavać ich mahčymaści dla viadzieńnia dziejańniaŭ suprać Izraila.

Było b, moža, i niadrenna, kali b nie nastupnaje:

  • CHTŠ, jakaja źjaŭlajecca hałoŭnaj siłaj u ciapierašnim nastupie na pazicyi Asada, aficyjna pryznanaja terarystyčnaj arhanizacyjaj u ZŠA. Jaje ideałohija blizkaja da ideałohii «Talibana» i «Chamasa». U vypadku prychodu da ŭłady CHTŠ ni pra jakuju demakratyzacyju Siryi havorka iści nie budzie, a kraina stanie jašče bolš varožaj da Izraila i zachodniaha śvietu.
  • Chaos u Siryi moža ŭzmacnić pahrozy na izrailskaj miažy. Aprača CHTŠ, roznyja inšyja isłamisckija hrupoŭki mohuć aktyvizavacca, što zrobić rehijon bolš niepradkazalnym i niebiaśpiečnym dla Izraila.
  • Chutkaje nastupleńnie paŭstancaŭ moža parušyć rehijanalny paradak i ŭciahnuć inšyja krainy, uklučajučy Izrail, u kanflikt.

Z uvahi na ŭsiu hetu nieadnaznačnaść situacyi, Izrail nie schilny apładziravać apošnim pośpiecham apanientaŭ Asada. 

«Najlepšy varyjant dla Izraila ciapier — heta ŭzajemnaje asłableńnie hetych sił, a nie rašučaja pieramoha adnoj ź ich», — cytuje WSJ Charela Choreva, staršaha daśledčyka Tel-Aviŭskaha ŭniviersiteta.

Kantekst

Pratesty, jakija ŭspychnuli ŭ 2011 hodzie, pastupova pieraraśli va ŭzbrojenaje supraćstajańnie. Spačatku Izrail zajmaŭ pazicyju starońniaha naziralnika. 

Adnak zaanhažavańnie ŭ kanflikt Irana i «Chiezbały» prymusili Izrail dziejničać. Kala 2014 hoda Izrail pačaŭ apieracyi, jakija nazvaŭ «vajnoj pamiž vojnami». Jana palahała ŭ tym, kab stvarać pieraškody dla pieradačy zbroi «Chiezbale» ŭ Livan.

Apošnija hady Izrail spadziavaŭsia adciahnuć Asada ad Irana praz stymulavańnie suviaziaŭ z prazachodnimi dziaržavami Piersidskaha zaliva. Paŭtornaje pryniaćcie Siryi ŭ Lihu arabskich dziaržaŭ razhladałasia jak častka hetych namahańniaŭ, ale apošnija padziei pastavili ich pad pytańnie.

Kamientary14

  • 315
    05.12.2024
    Siryjec, bołt jany kłali na mižnarodnaje prava. Tyja vysoty atačajuć bujniejšuju ý rehijonie krynicu niesalonaj vady - tak zvanaje Halilejskaja mora (voziera na samoj spravie). Zachapili jany tyja ziemli nie dla taho kab addać prosta tak. Siryja nie vielizarny Jehipiet kab jej dabraachvotna jak niekali akupavany Cinajski paývostraý štosci viartać
  • Pridi i voźmi
    05.12.2024
    Siryjec, "Pridi i voźmi" (Μολὼν λαβέ)
    Leoníd I (caŕ Sparty)
  • Rečaisnaść
    05.12.2024
    Siryjec, z čaho ty vyrašyŭ što jany akupavanyja, jany naležać Izrailu, žydy tamaka žyli spakon viakoŭ

Foty z Maskvy dajuć pabačyć Pucina i Łukašenku biez hrymu15

Foty z Maskvy dajuć pabačyć Pucina i Łukašenku biez hrymu

Usie naviny →
Usie naviny

Ciahnik syšoŭ z rejek i zhareŭ na miažy ź Biełaruśsiu ŭ Smalenskaj vobłaści4

Z Akademii muzyki zvolnili pieršaha prarektara Juryja Karajeva2

U škole Bresta adzin chłopiec udaryŭ druhoha pa nahach. Jaho maci pajšła ŭ sud — choča 1000 rubloŭ za maralnuju škodu14

U vyniku ataki dronaŭ adbyŭsia pažar na NPZ u Krasnadarskim krai2

Vybranyja talismany čempijanatu śvietu pa futbole2

Minski haradski sud nie vytrymlivaje nahruzki — nie paśpiavajuć sudzić palitviaźniaŭ22

Kiraŭnik Pientahona sklikaje sotni hienierałaŭ z usiaho śvietu na ekstrannuju naradu24

«Ja nie źbiraŭsia siadać u turmu». Były ratavalnik pravioŭ 4,5 hady ŭ kałonii praź dźvie kinutyja butelki i žmieniu piasku5

U Padmaskoŭi znajšli miortvym byłoha vysokaha pieciarburhskaha čynoŭnika2

bolš čytanych navin
bolš łajkanych navin

Foty z Maskvy dajuć pabačyć Pucina i Łukašenku biez hrymu15

Foty z Maskvy dajuć pabačyć Pucina i Łukašenku biez hrymu

Hałoŭnaje
Usie naviny →

Zaŭvaha:

 

 

 

 

Zakryć Paviedamić