Śviet

Kampanija, jakaja stvaryła ChatGPT, uvajšła ŭ vajskovy biznes

Zabarona na vykarystańnie technałohij kampanii OpenAI u vajskovych metach była źniataja. I ciapier stvaralnik suśvietna viadomaj niejrasietki ChatGPT zaklučyŭ svoj pieršy abaronny kantrakt z armijaj ZŠA. Voś jaki.

Ilustracyjnaja vyjava. Fota: Vecteezy

Kampanija OpenAI, viadomaja svaim fłahmanskim praduktam ChatGPT, abviaściła ab partniorstvie z Anduril Industries — adnoj ź viadučych technałahičnych kampanij u abaronnym siektary ZŠA. Heta pieršy vypadak, kali OpenAI zaklučaje kantrakt z vytvorcam zbroi i aficyjnym padradčykam Pientahona, piša vydańnie The Wall Street Journal.

Jašče niadaŭna OpenAI kateharyčna zabaraniała vykarystańnie ŭłasnych technałohij u vajskovych metach, adnak u pačatku hetaha hoda palityka kampanii źmianiłasia i ciapier dapuskaje abmiežavanaje supracoŭnictva z vajennymi strukturami. Zhodna z novymi praviłami, pradukty OpenAI mohuć vykarystoŭvacca ŭ zbroi vyklučna abaronnaha, a nie nastupalnaha charaktaru.

Supracoŭnictva z Anduril, pavodle WSJ, nakiravana na ŭdaskanaleńnie amierykanskich sistem baraćby z dronami. U kampanii OpenAI zajaŭlajuć, što ich technałohii štučnaha intelektu palepšać dakładnaść i chutkaść vyjaŭleńnia pahroz, a taksama źniziać ryzyki dla ludziej, zaniatych u niebiaśpiečnych apieracyjach.

«Heta dazvolić vajennym i vyviedvalnym apierataram prymać bolš chutkija i dakładnyja rašeńni ŭ situacyjach z vysokimi ryzykami», — adznačyŭ hienieralny dyrektar Anduril Brajan Šympf.

Pry hetym, zhodna z zajavami abiedźviuch kampanij, technałohii OpenAI nie buduć vykarystoŭvacca ŭ inšych uzbrajeńniach Anduril, kab paźbiehnuć supiarečnaściaŭ z pryncypami demakratyčnych kaštoŭnaściej.

Dla OpenAI hetaja ździełka nie tolki ŭjaŭlaje mahčymaść uzmacnić svaju pazicyju na mižnarodnym rynku štučnaha intelektu, ale i daść novuju vialikuju krynicu finansavańnia. Kampanija, čyja vartaść aceńvajecca ŭ $150 miljardaŭ, sutykajecca sa štohadovymi šmatmiljardnymi vydatkami na raspracoŭku i ekspłuatacyju svaich madelaŭ niejrasietak, tamu ŭvachodžańnie ŭ abaronny biźnies moža dapamahčy skaracić finansavyja straty.

Kamientary

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

«Vy za ŭsio adkažacie». Biełarusam na prajdzie va Urocłavie taksama pahražali nieviadomyja53

«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy10

Jeŭrakamisija prapanuje źnizić vierchniuju miažu cany na naftu1

Telegram: My nikoli nie raskryvali pryvatnyja paviedamleńni trecim asobam6

Da vieteranaŭ śpiecnaza Paŭličenki pryjazdžaŭ niezvyčajny hość: biełarus, ale musulmanin3

Źnikli kryžy na mohiłkach u Hudahai

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić