Pjany biełarus u adnych trusach napaŭ na palicejskich na Pchukiecie i raskidaŭ ich VIDEA
Mužčyna raskidvaŭ palicejskich i haściničnuju achovu pa dvary hatela, a jaho žonka i troje dziaciej sprabavali jaho supakoić.
Pjany biełarus u adnych trusach zładziŭ deboš u haścinicy ŭ rajonie Karon-Bič na tajłandskim turystyčnym vostravie Pchukiet i napaŭ na palicejskich, jakija prybyli pa vykliku. Debašyra zatrymali i dastavili ŭ palicejski ŭčastak, paviedamlaje Bangkok Post.
Palicejskija prybyli ŭ adnu z haścinic rajona Karon-Bič u 03:10 u sieradu (23:10 aŭtorka pa minskim časie). Ich vyklikaŭ tudy piersanał haścinicy z-za vielmi pjanaha mužčyny, jaki parušaŭ hramadski paradak.
Paźniej vyśvietliłasia, što debašyram źjaŭlajecca 39-hadovy hramadzianin Biełarusi.
Paśla pryjezdu palicejskich jon nie supakoiŭsia, a naadvarot razyšoŭsia jašče bolš i zładziŭ ź imi bojku, a taksama z supracoŭnikami haściničnaj achovy.
«Koštam značnych namahańniaŭ z boku palicyi mužčyna byŭ zatrymany», — havorycca ŭ paviedamleńni.
Mužčynu (Siarhieju A.) vystavili abvinavačvańni za parušeńnie hramadskaha paradku i napad na supracoŭnikaŭ palicyi.
Pa zakanadaŭstvie Tajłanda, za napad jamu moža pahražać štraf u pamiery da 5 tysiač dalaraŭ i/abo turemnaje źniavoleńnie terminam ad dvuch hadoŭ da pažyćciovaha ŭ zaležnaści ad ciažaru traŭmaŭ, jakija atrymali supracoŭnikami palicyi.
Biełarus adpačyvaŭ na Pchukiecie razam z žonkaj i tryma niepaŭnaletnimi dziećmi. Jany pavinny byli vylecieć na radzimu ŭ sieradu.
Siamja zatrymanaha naviedała jaho ŭ palicejskim učastku, a paźniej u sieradu vylecieła dadomu, jak i było zapłanavana. Što tyčycca mužčyny, to jon zastaŭsia ŭ kamiery časovaha ŭtrymańnia ŭ palicejskim učastku. U najbližejšy čas jon paŭstanie pierad sudom.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary