Zatrymali padazravanych u parušeńni pažarnaj biaśpieki ŭ HC «Biełaruś» u Viciebsku
Pra heta paviedamiła pres-słužba MUS.
Zatrymali padazravanych u parušeńni patrabavańniaŭ pažarnaj biaśpieki ŭ HC «Biełaruś» u Viciebsku.
14 śniežnia Śledčym kamitetam raspačata kryminalnaja sprava pavodle č. 2 art. 304 Kryminalnaha kodeksa Biełarusi (za parušeńnie patrabavańniaŭ pažarnaj biaśpieki, jakoje paciahnuła za saboj pryčynieńnie škody ŭ bujnym pamiery). Pravodziacca dalejšyja apieratyŭna-śledčyja dziejańni.
Nahadajem, što ŭ vyniku pažaru ŭ HC «Biełaruś» paciarpieli 20 čałaviek.
Jak skazaŭ kiraŭnik Administracyi Łukašenki Dźmitryj Kruty, jaki siońnia pravodziŭ naradu ŭ Viciebsku, budynak HC, napeŭna, źniasuć.
«Chutčej za ŭsio, los hetaha budynka nastupny. Uličvajučy, što surjozna paciarpieli ŭ tym liku pierakryćci, i budynak 72-ha hoda, vy viedajecie, tam znachodziŭsia kinateatr i tolki ŭ 2006 hodzie pačałasia pierapłaniroŭka pad handlovy centr. Ciapier hetyja dakumienty zabirajucca. Vyvučajecca, chto prymaŭ hetyja rašeńni, chto davaŭ hetyja dazvoły, a potym ich padaŭžali i ŭzakońvaŭ. Tamu ŭličvajučy techničny stan budynka prosta na ciapier, jon budzie chutčej za ŭsio padlahać znosu», — zajaviŭ Kruty.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary
Vot primiery razruchi:
1. uł. Budiennoho 7
2. uł. Bohdana Chmielnickoho 30 - 50
3. pr-t Čierniachovskoho 27
4. Lenina 48a
5. Kamsomolskaja 28