BiełTA paśla rozhałasu śpiarša padkarektavała, a paśla prybrała artykuł z akreśleńniami «sijaniscki»
Siońnia palityčny analityk Alaksandr Frydman źviarnuŭ uvahu na źjaŭleńnie na sajcie dziaržaŭnaha infarmacyjnaha ahienctva BiełTa materyjała, dzie zamiest słova «izrailski» paśladoŭna vykarystoŭvałasia aznačeńnie «sijaniscki». Rozhałas prymusiŭ ahienctva pierahledzieć svaju pazicyju.
U paviedamleńni pra rakietnuju ataku Jemiena na Izrail, apublikavanym adrazu paśla paŭnočy 17 śniežnia, izrailskija ŚMI nazvanyja «sijanisckimi miedyja-krynicami» i «sijanisckimi ŚMI», a Armija abarony Izraila (CACHAŁ) — «sijanisckaj armijaj».
De-fakta biełaruskaje dziaržahienctva skapiravała i biez redakcyjnaj praŭki raźmiaściła ŭ siabie ruskamoŭnaje paviedamleńnie iranskaha infarmacyjnaha ahienctva IRNA.
Paśla taho spasyłku na hety materyjał BiełTA raźmiaściŭ u siabie jak minimum adzin orhan dziaržaŭnaj ułady — Viciebski rajvykankam.
Na publikacyju, pavodle źviestak vydańnia «Pozirk», źviarnuli ŭvahu zamiežnyja dypłamaty, jakija pracujuć u Minsku. Skrynšot tekstu z sajta BiełTA pačaŭ raspaŭsiudžvacca ŭ sacyjalnych sietkach.
Zapachła niezapłanavanym mižnarodnym skandałam. Tamu praź niekatory čas BiełTA źmianiła farmuloŭki ŭ artykule na niejtralnyja, a paśla i zusim prybrała jaho z sajta.
Kamientary
«Nie vsie tolko płochoje było śviazano v Hiermanii s iźviestnym Adolfom Hitlerom. Niemieckij poriadok formirovałsia viekami. Hitler sformirovał moŝnuju Hiermaniju błahodaria silnoj priezidientskoj vłasti»