Bieśpiłotniki atakavali rasijski port Uść-Łuha, praź jaki ekspartujucca biełaruskija naftapradukty
Ukrainskija bieśpiłotniki siońnia sprabavali atakavać adzin z najbujniejšych u Rasii marski handlovy port Uść-Łuha ŭ Leninhradskaj vobłaści, piša vydańnie Astra.
Nočču i ranicaj 4 studzienia była zafiksavanaja ataka ŭkrainskich dronaŭ nad rasijskaj Leninhradskaj vobłaściu. Bolšaść ich, jak paviedamili krynicy Astra, byli źbityja nad terminałam TAA «Navatrans» na terytoryi marskoha handlovaha porta Uść-Łuha.
Pavodle papiaredniaj infarmacyi, paškodžanyja vokny ŭ adnym z budynkaŭ na terytoryi porta, abjaŭlałasia evakuacyja supracoŭnikaŭ.
Hubiernatar Leninhradskaj vobłaści Alaksandr Draździenka paviedamiŭ pra 4 źbityja nad Uść-Łuhaj BPŁA i zajaviŭ, što paciarpiełych i paškodžańniaŭ niama.
Pavodle adkrytych dadzienych, marski handlovy port Uść-Łuha pačaŭ pracu z adkryćcia ŭ śniežni 2001 hoda vuhalnaha terminała. Da pačatku 2020-ch jon staŭ druhim pa vieličyni ŭ Rasii — paśla Navarasijska. Mienavita hety port staŭ asnoŭnym dla biełaruskich naftapraduktaŭ paśla taho, jak z-za nakładzienych sankcyj stała niemahčyma vykarystoŭvać party ŭ litoŭskaj Kłajpiedzie i łatvijskim Vientśpiłsie.
Uvohule Minabarony Rasii zajaviła pra źniščeńnie hetaj nočču i ranicaj 16 ukrainskich dronaŭ. Jany byli zafiksavanyja nie tolki nad Leninhradskaj, ale taksama nad Branskaj, Smalenskaj, Biełharadskaj i Pskoŭskaj abłaściami.
U sankt-pieciarburhskim aeraporcie «Pułkava» dvojčy ŭvodzili abmiežavańni na paloty.
Ciapier čytajuć
Uładalniki znakamitaha «doma mary» pad Minskam raspaviali Dudziu, čamu pradali dom i emihravali9
Kamientary