Rasija zajaŭlała pra poŭnaje źniščeńnie supraćpavietranaj abarony Ukrainy 24 lutaha 2022 hoda, u pieršy ž dzień uvarvańnia. Adnak u realnaści Ukraina zachavała poŭny kantrol svajoj pavietranaj prastory i vytrymlivaje samyja masiravanyja rakietnyja abstreły.
Pavietranyja siły Ukrainy źniščyli bolš za 1300 rakiet i 14 400 bieśpiłotnikaŭ roznych typaŭ. Ukrainskija piłoty vykanali bolš za 20 000 avijavyletaŭ.
Pra heta Pavietranyja siły paviedamili ŭ svaich sacsietkach.
Za ŭvieś 2024 hod Pavietranyja siły źniščyli:
- bolš za 1300 rakiet roznych typaŭ;
- 11 200 udarnych bieśpiłotnikaŭ;
- 3200 raźviedvalnych BPŁA apieratyŭna-taktyčnaha ŭzroŭniu.
Avijacyja Uzbrojenych Sił Ukrainy na praciahu hoda vykanała bolš za 20 000 vyletaŭ, amal 9 tysiač ź ich — dla vykarystańnia srodkaŭ paražeńnia zachodniaj vytvorčaści.
U 2024 hodzie Rasija nanosiła ŭdary pa abjektach krytyčnaj infrastruktury Ukrainy značna bolšaj kolkaściu rakiet i ŭdarnych BPŁA, dadajuć u kamandavańni. Źjaviłasia vialikaja kolkaść bieśpiłotnikaŭ, jakija imitujuć sapraŭdnyja ŭdarnyja «šachiedy». RF pavialičyła vytvorčaść i prymianieńnie pa Ukrainie balistyčnych rakiet, u tym liku paŭnočnakarejskich KN-23.
«Takim čynam vorah sprabuje maksimalna ŭskładnić pavietranuju abstanoŭku, pierahruzić našu PPA i źniasilić našych abaroncaŭ nieba. Akramia taho, varožyja samaloty zapuścili pa pryfrantavych terytoryjach dziasiatki tysiač kiravanych avijacyjnych bombaŭ, ścioršy z tvaru ziamli ŭkrainskija pryfrantavyja harady i vioski», — kažuć vajskoŭcy.
Tolki za minuły tydzień, z 23 pa 29 śniežnia, Rasija ŭžyła suprać Ukrainy bolš za 370 udarnych dronaŭ, kala 280 kiravanych avijacyjnych bombaŭ i 80 rakiet roznych typaŭ, paviedamlajuć PKS.
Nahadajem, što Rasija zajaŭlała pra poŭnaje źniščeńnie supraćpavietranaj abarony Ukrainy 24 lutaha 2022 hoda, u pieršy ž dzień uvarvańnia. Adnak taja zajava akazałasia vydumkaj.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna13
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary