Polskija pradprymalniki chočuć zładzić pa Biełastoku žałobny marš. Usio praz zakrytyja punkty na miažy ź Biełaruśsiu
Pradprymalniki z Padlašša rychtujuć akcyju suprać zakryćcia pamiežnych pierachodaŭ «Babroŭniki» i «Kuźnica» (ź biełaruskaha boku — «Bierastavica» i «Bruzhi»).
29 sakavika jany płanujuć prajści maršam pa centry Biełastoka — u cišyni, jakaja budzie simvalizavać smutak. Takim čynam jany chočuć pryciahnuć uvahu ŭładaŭ da prablem rehijanalnaha handlu, jaki raniej u značnaj stupieni aryjentavaŭsia na biełarusaŭ, piša Most.
Pradprymalniki adznačajuć, što ŭ Lublinskim vajavodstvie pasažyrski punkt propusku «Tarespal» praciahvaje pracavać. Tamu ŭ hetym rehijonie roźničny handal raście.
Pazoŭ suprać dziaržavy
Heta nie pieršaja sproba pradprymalnikaŭ źviarnuć uvahu na skaračeńnie abarotu paśla straty biełaruskich klijentaŭ. U lutym 2025 hoda biznesoŭcy z abjadnańnia «Pradprymalnicki Uschod» (Przedsiębiorczy Wschód) abviaścili, što rychtujuć kalektyŭny pazoŭ suprać polskaj dziaržavy z-za zakryćcia punktaŭ propusku na miažy ź Biełaruśsiu. Jany miarkujuć, što svaimi dziejańniami ŭrad abmiežavaŭ ichniuju svabodu pradprymalnickaj dziejnaści, i damahajucca kampiensacyi stračanaj vyhady.
Straty Padlašša tolki na niaździejśnienych biełaruskich pakupkach jany aceńvajuć u 800 miljonaŭ złotych u hod (192 młn jeŭra).
Nahadajem, ruch praz «Kuźnicu» byŭ prypynieny na niavyznačany termin u listapadzie 2021 hoda padčas kryzisu ź nielehałami, a praz «Babroŭniki» — u lutym 2023 hoda, adrazu paśla vyniasieńnia prysudu žurnalistu Andžeju Pačobutu.
-
Łukašenka, jaki nie lubić haračyni, skazaŭ, što batarei ŭ kvaterach mohuć hreć i pamieniej
-
«Heta byŭ momant krajniaj bieznadziejnaści». Biełaruski žurnalist raspavioŭ, jak turystam pajechaŭ u Iran i trapiŭ u turmu
-
Źjaviŭsia resurs, dzie možna zručna pravieryć čałavieka ci kanał pa śpisie ekstremistaŭ
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA69
Kamientary