Zdaroŭje11

Jak pravilna vybrać balzam dla hub 

Uzimku skura vusnaŭ abvietryvajecca, maroz jaje pierasušvaje, jana treskajecca. Kab vypravić situacyju, my vykarystoŭvajem balzam dla hub. Ale jość svaje niuansy.

lip balm balzam dla hub balzam dla hub
Fota: Getty Images

Śpiecyjalisty tłumačać, što skura na hubach vielmi tonkaja, tamu maje patrebu ŭ dadatkovaj abaronie. Balzam dla hub sapraŭdy adzin z samych zručnych srodkaŭ dla stvareńnia takoha achoŭnaha słoju.

Adnak niekatoryja balzamy mohuć, naadvarot, uzmacniać suchaść i razdražnieńnie, što prymušaje nanosić ich znoŭ i znoŭ. Tamu važna viedać, jakija inhredyjenty šukać u składzie, a jakich — paźbiahać.

Čamu huby sochnuć?

Na hubach niama ni vałaskoŭ, ni tłuščavych załozaŭ, ni ščylnaha płasta arahaviełych kletak, jakija jość na inšych učastkach skury. Heta robić ich adnačasova miakkimi i adčuvalnymi.

Kali huby padviarhajucca ŭździejańniu ŭltrafijaletu, zabrudžanaha pavietra, ekstremalnych tempieratur abo peŭnych praduktaŭ ci napojaŭ, jany stanoviacca suchimi i razdražnionymi. Zvyčka ablizvać huby paharšaje prablemu, bo fiermienty ježy, jakija ŭtrymlivajucca ŭ ślinie, mohuć vyklikać razdražnieńnie.

Jak abrać balzam dla hub?

Dobry balzam pavinien utrymlivać inhredyjenty, jakija ŭvilhatniajuć huby, źmiakčajuć i siłkujuć, robiačy ich dalikatnymi i hładkimi, a taksama stvarajuć achoŭny barjer, jaki praduchilaje vypareńnie vilhaci i minimizuje niehatyŭnaje ŭździejańnie vietru, suchoha pavietra i marozu.

Dermatołahi rekamiendujuć šukać u składzie balzamaŭ dla hub takija kampanienty, jak kastoravy alej, hliceryn, vazielin, kieramidy, kanaplany alej, dymietykon i alej šy. Akramia hetaha, patreskanyja huby efiektyŭna siłkujuć takija naturalnyja alei, jak kakosavy, aliŭkavy abo alej avakada.

Kali vam zimoj davodzicca časta być na dvare, vybirajcie balzamy z SPF 30 abo vyšej. Heta abaronić huby ad ultrafijaletu, jaki vyklikaje suchaść, apioki i navat pavialičvaje ryzyku raku skury.

Jakija dadatki ŭ balzamy dla hub niadobryja?

Chacia mnohija lubiać adčuvańnie prachałody ad kampanientaŭ nakštałt mientołu, aleju pieračnaj miaty abo kamfary, pa słovach śpiecyjalistaŭ, ich prysutnaść u składzie balzamu moža vyklikać razdražnieńnie skury.

Taksama varta paźbiahać aramatyzataraŭ, smakavych dabavak, aleju eŭkalipta, salicyłavaj kisłaty i łanalinu (jaki byŭ pryznany alerhienam 2023 hoda pa viersii Amierykanskaha tavarystva kantaktnaha dermatytu).

Choć takija inhredyjenty mohuć na niekatory čas supakoić huby, jany časta paharšajuć prablemu, z-za čaho davodzicca karystacca balzamam usio čaściej.

Fota: Grace Cary / Getty Images

Inšyja sposaby abarony hub

Razam z vykarystańniem balzamu, praduchilić patreskvańnie hub moža padtrymka vodnaha bałansu. Picie bolš vady, vykarystoŭvajcie ŭvilhatnialnik pavietra i nanoście pierad snom balzam dla hub ź inhredyjentami, jakija ich uvilhatniajuć, takimi jak vazielin ci alej šy. Kali skura na hubach łuščycca, nie zryvajcie jaje, bo heta tolki pahoršyć prablemu.

Kali huby zastajucca vielmi suchimi i patreskanymi navat paśla niekalkich tydniaŭ vykarystańnia balzamu ź inhredyjentami, jakija nie pavinny vyklikać razdražnieńnie, varta pamianiać jaho abo źviarnucca da dermatołaha. Asabliva, kali źjaŭlajucca korki ŭ kutkach rota ci huby balać albo śviarbiać.

Heta mohuć być prykmiety alerhii ci infiekcyi, vyklikanaj hrybkami ci bakteryjami. U takich vypadkach doktar zmoža pryznačyć nieabchodnyja leki.

Kamientary1

  • Namaz
    08.01.2025
    Ja namazvaju vusny sałam. I vam raju.

Ciapier čytajuć

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj9

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Usie naviny →
Usie naviny

Jak budzie vyhladać padziemny pierachod na Instytucie kultury kala Akademii kiravańnia2

«Reč tut nie ŭ Biełarusi». Łukašenka nazvaŭ zakryćcio Polščaj miažy niedružalubnym palityčnym krokam suprać Kitaja26

Sinoptyki anansavali pieršyja zamarazki i pachaładańnie1

MZS raskazała pra paciarpiełych biełarusaŭ u Krymie3

Kamisija pa viartańni stała razhladać spravy ŭchilistaŭ ad armii

Hramadzianie Biełarusi jość siarod paciarpiełych pry atacy USU na Krym32

U Hrodnie źjaviłasia novaja znakamitaść — pryhožy rudy kot3

U Krymie ŭpieršyniu źniščany dva rasijskija samaloty-amfibii Bie-12 — HUR

Ministr abarony Izraila: Paleścinskaj dziaržavy nikoli nie budzie10

bolš čytanych navin
bolš łajkanych navin

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj9

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić