U vizavym centry Hrecyi pa zmoŭčańni ŭklučajuć u rachunak nieabaviazkovuju pasłuhu
Biełarusy ŭ abłasnych haradach skardziacca, što ŭ vizavym centry Hrecyi ich prosiać apłačvać nieabaviazkovuju pasłuhu. CityDog.io daviedaŭsia, što adbyvajecca.
U telehram-kanale «Vizovyj krot» napisali, što ŭ vizavym centry Hrecyi ŭ rehijonach pačali aŭtamatyčna ŭklučać u rachunki pasłuhu «Mabilnaja bijamietryja». Jaje košt — 90 rub. za čałavieka.
Adnak pasłuha, jak akazałasia, zusim nie abaviazkovaja. Jana pryznačanaja dla vyjezdu śpiecyjalistaŭ da klijenta dadomu abo ŭ ofis. Ale ŭ hetym vypadku nijakich vyjezdaŭ nie adbyvajecca — bijamietryja zdajecca prosta na miescy ŭ vizavym centry, jak pišuć aŭtary telehram-kanała.
Na sajcie vizavaha centra i ŭ ich słužbie padtrymki ŭdakładniajecca, što hetaja pasłuha dadatkovaja. Adnak na praktycy jaje ŭklučajuć u rachunak biez papiaredžańnia.
CityDog.io spytaŭ u vizavaj kansultantki Volhi Paŭłoŭskaj, čamu tak adbyvajecca.
Pavodle jaje słoŭ, heta, na žal, zvyčajnaja praktyka dla vizavych centraŭ — jany ŭvieś čas sprabujuć naviazać dadatkovyja pasłuhi, tamu što heta ich asnoŭny zarobak.
A jašče jość prablema z hrečaskimi vizami ŭ cełym. Ciapier nie siezon, i mnohija padajuć zajaŭki tolki dziela šenhienskaj vizy, a nie dziela pajezdki ŭ Hrecyju. Ale admovy iduć pačkami — ludzi płaciać hrošy, a vizu prosta nie atrymlivajuć. Heta taksama padobna na sposab zarobku: prymajuć apłatu, ale vizu nie vydajuć, razumiejučy, što realnaj pajezdki ŭsio adno nie budzie.
Volha adznačyła, što pra «mabilnuju bijamietryju» jość važnaja detal:
«Jana nibyta zaŭsiody była abaviazkovaj, kali ty padaješsia ŭ rehijonach. U Minsku hetuju pasłuhu nie ŭklučajuć, prynamsi, nie ŭklučali raniej. Tak što kali vy padajaciesia ŭ stalicy, praviercie, kab jaje nie dadali ŭ rachunak».
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary