Łukašenka daručyŭ novamu kiraŭniku MARH vyvučyć saviecki vopyt u handli
Pry naznačeńni Artura Karpoviča kiraŭnikom MARH Łukašenka nahadaŭ tamu pra važnuju zadaču, jakuju jon daručyŭ ekanamistam krainy, — prydumać formułu spraviadlivych cen. Zrabić heta treba było ŭžo ŭ pačatku 2025 hoda.
Adkryvajučy 30 śniežnia novyja stancyi mietro, Alaksandr Łukašenka niečakana zahavaryŭ pra ceny. Zamiest rynačnaha i dziaržaŭnaha jon tady prydumaŭ novaje cenaŭtvareńnie — spraviadlivaje.
Pavodle słoŭ Łukašenki, u krainie ciapier idzie rabota nad novaj formułaj cenaŭtvareńnia, pryčym «pakul u śviecie niama takoha vopytu».
Novamu ministru handlu pryjdziecca rašać hetu zadaču.
Łukašenka źviarnuŭ uvahu kiraŭnika administracyi prezidenta Dźmitryja Krutoha na toje, što vypracoŭka formuły źjaŭlajecca zadačaj usiaho ŭrada, a nie tolki MARH. I treba prykłaści maksimalnyja namahańni, kab «u nas usio ž taki formuła spraviadlivaści ŭ cenaŭtvareńni prysutničała», ličyć Łukašenka.
Jon daručyŭ novamu ministru vyvučyć saviecki vopyt u handli i zabiaśpiečyć asartymient na palicach biełaruskich mahazinaŭ. «I kab ceny ni ŭ jakim razie nie skakali, asabliva ŭvierch. Heta vy pavinny bačyć na abjektach handlu — u kramach. Nie važna, jakoj ułasnaści jany — dziaržaŭnyja ci pryvatnyja», — skazaŭ jon.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
a čieho nie kopnuť hłubžie? k istokam? srazu opyt fieodalnoj, mienovoj ekonomiki nie izučať?