Fantastyčny vynik dajuć treniroŭki z elektrastymulacyjaj.
Jak piša SciTechDaily, novy mietaanaliz, jaki praviali vučonyja z Techaskaha ŭniviersiteta ŭ El-Pasa (ZŠA) pakazaŭ, što spałučeńnie niejramyšačnaj elektrastymulacyi (NMES) ź siłavymi treniroŭkami pryvodzić da bolšaha rostu myšačnaj masy ŭ paraŭnańni z tolki siłavymi treniroŭkami.
Vučonyja praanalizavali vyniki 13 daśledavańniaŭ, u jakich uziali ŭdzieł 374 čałavieki. Usie jany vykonvali takija tradycyjnyja praktykavańni, jak padymańnie ležačy ci prysiadańni z abciažarvańniem. Adna hrupa vykonvała ich z vykarystańniem NMES, druhaja — biez. Myšačnaja masa ŭdzielnikaŭ aceńvałasia ŭ pačatku i kancy daśledavańnia. Praciah trenirovak składaŭ ad 2 da 16 tydniaŭ. Vyniki svajho daśledavańnia vučonyja apublikavali ŭ European Journal of Applied Physiology.
Jak tłumačać aŭtary, u narmalnych umovach naš mozh aktyvizuje myšcy, pasyłajučy im sihnał praź niervovuju sistemu. Niejramyšačnaja elektrastymulacyja imituje hety praces.
Praź źniešnija elektryčnyja toki padajecca sihnał myšcam, što prymušaje ich skaračacca jak by «samastojna», biez udziełu mozhu. U vyniku takoj «źniešniaj dapamohi» pavialičvajecca intensiŭnaść nahruzki za košt zadziejničańnia bolšaj kolkaści myšačnych vałoknaŭ.
Vyniki daśledavańnia pakazali, što spałučeńnie NMES z treniroŭkami pryviało da pavieličeńnia muskulnaj siły ŭ siarednim na 31% i myšačnaj masy na 21% u paraŭnańni sa zvyčajnymi treniroŭkami. Vučonyja adznačajuć, što vynik byŭ bolš zaŭvažnym z rostam praciahłaści trenirovak.
Ale na hetym patencyjał NMES nie zakančvajecca. Ciapier aŭtary vyvučajuć, jak elektrastymulacyja moža dapamahčy palepšyć mietabalizm, rehulavać uzrovień hlukozy ŭ kryvi i źmienšyć ryzyku dyjabietu 2 typu, asabliva dla tych, chto nie moža zajmacca tradycyjnymi treniroŭkami.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny20
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary