Vałanciory znajšli niekalki askiepkaŭ mietearyta, što ŭpaŭ na Kalady ŭ Biełarusi
Askiepki mietearyta, padzieńnie jakoha było zafiksavana 25 śniežnia minułaha hoda, znojdzieny pad Žodzinam, paviedamili «Sputnik» u kłubie «Astranaminsk».
«Askiepki kaladnaha mietearyta, jaki jarka ŭspychnuŭ na viačernim niebie 25 śniežnia 2024 hoda ŭ 17:29 pa biełaruskim časie, narešcie patrapili ŭ ruki daśledčykaŭ z kamandy Astranaminsk i Uralskaha dziaržuniviersiteta», — raspaviali ŭ kłubie.
Tam rastłumačyli, što arbita mietearyta i miesca padzieńnia byli ŭstalavanyja dziakujučy videazdymcy aŭtamatyčnych kamier patrulavańnia mieteoraŭ. Rajon padzieńnia askiepkaŭ pračesvali praktyčna miesiac.
U pošukach udzielničali vałanciory, a taksama daśledčyki z kamandy Minskaha płanietaryja i «Astranaminska».
Pakul što znojdziena niekalki frahmientaŭ, i pošuki praciahnucca. Taksama treba budzie ekśpiertyza znojdzienych askiepkaŭ. Ahulnaja masa ŭsich askiepkaŭ aceńvajecca ŭ niekalki kiłahram.
Znachodka hetaha mietearyta maje vialikaje navukovaje značeńnie i moža stać šostym viadomym vypadkam na terytoryi Biełarusi.
-
«Majo słova hoda — nadzieja». Śviatłana Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam
-
Cichanoŭski ŭ navahodnim zvarocie zaklikaŭ da «finlandyzacyi», daravańnia tym, «kaho paputaŭ bies», i pavahi da Trampa
-
«Pakul Auchan adkryty, skińcie hrošaj». Biełaruska dvojčy rasčaravałasia ŭ emihrantach, jakim dapamahała, ale praciahvaje vieryć ludziam
Kamientary