Usiaho patrochu3131

Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie

Pieśnia, jakuju vykonvajuć dźvie rasijskija školnicy, zapałaniła internet. A pra kaho ŭ joj śpiavajecca?

Sihma boj Sihma boj sigma male
Vykanaŭcy pieśni «Sihma boj» Śviatłana Čarciščava (źleva) i Maryja Jankoŭskaja. Skryn videa: betsyofficial / YouTube

Rasijskaja pieśnia «Sihma boj» vyjšła ŭ kastryčniku minułaha hoda i ŭžo praź miesiac dziakujučy tyktoku stała viadomaja va ŭsim śviecie.

Pieśniu vykonvajuć dźvie rasijskija błohierki — 11-hadovaja Śviatłana Čarciščava, viadomaja jak Betsy, i 12-hadovaja Maryja Jankoŭskaja, jakaja taksama źjaŭlajecca viadoŭcaj rasijskaha dziciačaha telekanała CTC Kids.

@nashaniva «Sihma boju» dali boj. Bo jon rasijski #sigmaboy #pieśnia #ies #politika #novosti #biełaruś ♬ Sigma Boy - Sihma Boj - Betsy & Marija Jankovskaja

Aŭtarami hetaj virusnaj pieśni stali rasijski rok-śpiavak MUKKA, a taksama baćka Betsy — rasijski kampazitar i muzyčny pradziusar Michaił Čarciščaŭ, jaki napisaŭ muzyku i pieśni da šerahu papularnych rasijskich animacyjnych filmaŭ dla dziaciej.

U novaj pieśni dziaŭčaty śpiavajuć pra niejkaha sihma boja, jaki kružyć hałovy ŭsim navokał, ale dabicca jaho ŭvahi amal niemahčyma.

Termin «sihma» jak charaktarystyka mužčyn nie vydumka aŭtaraŭ pieśni. Hetym paniaćciem piśmieńnik Teador Bił dapoŭniŭ najaŭnuju ijerarchiju «sacyjalnych archietypaŭ».

Siońnia «sihma boj» (anh. — sigma male) papularny termin u internet-kultury, asabliva na forumach i ŭ sacyjalnych sietkach. Tak nazyvajuć mužčynu, jaki nibyta addaje pieravahu być niezaležnym ad sacyjalnych struktur i čakańniaŭ.

Jon nie imkniecca da lidarstva, jak «alfa», i nie padparadkoŭvajecca, jak «beta», a dziejničaje samastojna, pa-za tradycyjnaj sacyjalnaj ijerarchijaj. Jamu prypisvajuć takija rysy, jak samadastatkovaść, intraviertnaść, niestandartny padychod. Jon pryvablivaje svajoj upeŭnienaściu i niezaležnaściu.

Jaskravymi prykładami mužčyn typu «sihma» nazyvajuć takich piersanažaŭ, jak Patryk Biejtman u filmie «Amierykanski psichapat» u vykanańni Kryścijana Bejła ci Tajler Dziorden z «Bajcoŭskaha kłuba» ŭ vykanańni Breda Pita. Siarod litaraturnych hierojaŭ minułaha heta Hryhoryj Piačoryn i Šerłak Chołms.

U sučasnym hramadstvie sihma boj staŭ simvałam novaj fiłasofii, jakaja zaklikaje być saboju, a nie imknucca za natoŭpam.

Na siońnia pieśnia «Sihma boj» u vykanańni rasijskich dziaŭčynak na YouTube nabrała zvyš 60 miljonaŭ prahladaŭ, patrapiła ŭ čarty Spotify, Shazam, iTunes. U siaredzinie studzienia jana ŭvajšła ŭ top-10 čarta Billboard u katehoryi Hot Dance / Pop Songs (tancavalnyja / pop-pieśni). Siarod jaje susiedziaŭ — treki Bili Ajliš, Aryjany Hrande, Charli XCX i inšych suśvietnych zorak.

@dieterbohlen We love it@brucedarnell #sigmaboys #sigmaboys #sigmaboys#fy ♬ Sigma Boy - Sihma Boj - Betsy & Marija Jankovskaja

Prypieŭ pieśni staŭ hukam dla rolikaŭ u tyktoku i instahramie, pad trek stali tancavać viadomyja influjensiery. Pieśniu stali pierajnačvać i vykarystoŭvać u humarystyčnych rolikach.

@janro_2109 Sigma Boy #letra #gmod #juego #letra #musica #sigmaboy ♬ Sigma Boy - Sihma Boj - Betsy & Marija Jankovskaja

A błohier Sucharaŭski Siohun — japoniec, jaki pryjazdžaŭ pažyć u Minsku i vučyŭ biełaruskuju, — raskazvaŭ pra sihmaruskuju movu. Składana zrazumieć da kanca jaho kancepcyju, ale ŭ hetaj movie dadajuć bonusy za vykarystańnie biełaruskich słoŭ.

@sucharauskishogun #iaponija #biełaruś #iaponiec #biełaruskiciktok #biełaruskityktok ♬ som original -

U toj ža čas pieśnia vyklikała niehatyŭnuju reakcyju niekatorych jeŭrapiejskich palitykaŭ. Jeŭradeputatka ad Hiermanii, pradstaŭnica sacyjalna-libieralnaj partyi Volt Neła Ryl pryviała «Sihma boj» u jakaści prykładu taho, jak Rasija praz kulturu nasadžaje svoj śvietapohlad.

Palityk vykazała mierkavańnie, što pieśnia «pieradaje patryjarchalnyja i prarasijskija pohlady na śviet», i zaklikała Jeŭrasajuz «spynić navat hetyja tonkija praniknieńni i falsifikacyi» z boku Rasii.

Kamientary31

  • Nia pan
    27.01.2025
    Čytaju mierkavańnie "zabaranić pieśni" – i nia vieru, što takoje mahčyma ŭ Jeŭropie ŭ 21 stahodździ pačuć ad deputata. Niby zamšeły savok kaža, a nie prahresiŭny jeŭrapiejski deputat. Heta saŭki hłušyli radyjo dy zabaraniali pieśni, alo. Tryndziec, da čaho levački ŭsio ž adnolkavyja – štr savieckija, što libieralna-jeŭrapiejskija
  • Barbara
    27.01.2025
    Chacieli jak lepiej, a zabylisia na efiekt Strejzand. Ale što zrobiš, reahavać treba.
  • łuchta
    27.01.2025
    Elon musk: - sieg my boy )
    Niejki hurt "Kombinacija" American boy dla małodšaha školnaha ŭzrostu. I elemient "miakkaj siły".

Ciapier čytajuć

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha129

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Usie naviny →
Usie naviny

Skandał u vip-zale Minskaha vakzała: śvieckaj žurnalistcy Baženie Rynskaj zabaranili sieści z nahami ŭ kreśle15

Viełapadarožnik ź Pinska pajechaŭ u Smalenskuju vobłaść — i ŭ jaho tam skrali viełasipied4

Vučonyja dakazali efiektyŭnaść vyvučeńnia movy padobna niemaŭlatam1

Dziaŭčyna źniała na videa kampościer u aŭtobusie Bresta. U kamientarach haračaja sprečka — z-za minčukoŭ11

Čały praanalizavaŭ detali ŭkrainskaj apieracyi «Pavucińnie» i pryjšoŭ da niečakanaj vysnovy15

Tramp nakiroŭvaje Nachvardyju ŭ Łos-Andželesie, dzie iduć pratesty suprać palavańnia na mihrantaŭ20

Maładoha vypusknika Akademii MUS asudzili pa redkim artykule — za «parušeńnie achovy dziaržaŭnych sakretaŭ»6

Rasija zajaviła ab uvarvańni ŭ Dnieprapiatroŭskuju vobłaść. Ekśpierty paćvierdzili bai ŭ niekalkich sotniach mietraŭ ad miažy rehijona1

«Usie my budziem žyć horš, biadniej, z adkatam na 30-40 hadoŭ nazad». Jak śviet niezvarotna idzie da zusim inšaj realnaści23

bolš čytanych navin
bolš łajkanych navin

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha129

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Hałoŭnaje
Usie naviny →

Zaŭvaha:

 

 

 

 

Zakryć Paviedamić