Канал «Россия 1» паведаміў, што DeepSeek распрацаваны на аснове савецкага кода. Аказалася, гэта навіна з сатырычнага сайта
Расійскія дзяржаўныя прапагандысты не ўпершыню ўзялі жартоўную навіну з сатырычнай «Панорамы».
У эфіры канала «Россия 1» расказалі, што кітайская нейрасетка DeepSeek была распрацавана на аснове савецкага кода 1985 года.
«Распрацоўшчыкі DeepSeek расказалі, што асновай для нейрасеткі стаў праграмны код, які быў распрацаваны савецкімі праграмістамі яшчэ ў 1985 годзе», — расказалі ў сюжэце.
Выявілася, што гэта навіна з сатырычнага сайта несапраўдных навін ИА «Панорама». Некалькі дзён таму на гэтым сайце з’явілася нататка пра насамрэч неіснуючае інтэрв’ю кіраўніка DeepSeek Лянь Вэньфэна.
Ён нібыта паведаміў, што ў аснове нейрасеткі ляжыць савецкая «сістэма АГАС акадэміка Глушкова». Таксама Вэньфэнь абвясціў, што збіраецца найбліжэйшым часам заснаваць прэмію імя Віктара Глушкова, а таксама адкрыць у Пекіне музей, прысвечаны навуковым дасягненням СССР.
Выдуманая навіна разышлася па расійскіх праўладных каналах. Аднак хутка выявілася, што навіна жартоўная, таму пасты пачалі выдаляць. Толькі праз некалькі дзён навіна дабралася да выпуску навін на расійскім дзяржаўным тэлеканале.
Сапраўдны кошт DeepSeek, кітайскага чат-боту, што абваліў фондавы рынак ЗША, аказаўся зусім не такім
Што думае нашумелы кітайскі чат-бот пра рэжым Лукашэнкі
Лян Вэньфэн — таемны заснавальнік DeepSeek, які перавярнуў свет штучнага інтэлекту
«Брама ў свет беларускага кантэнту». Каманда айцішнікаў стварыла беларускамоўную ШІ-калонку
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?6
Каментары