Tramp vyrašyŭ admianić papiarovyja sałominki dla pićcia i viarnuć płastykavyja
Prablema sałominak turbavała Trampa jašče niekalki hadoŭ tamu.
Tramp vyrašyŭ admianić papiarovyja sałominki dla pićcia i viarnuć płastykavyja. U svajoj sacyjalnaj sietcy Truth Social, a zatym i ŭ X, prezident ZŠA abviaściŭ: «Na nastupnym tydni ja padpišu ŭkaz, jaki pakładzie kaniec niedarečnamu ŭkaranieńniu Bajdenam papiarovych sałominak, jakija nie pracujuć. Nazad da płastyku!», piša Bild.
Tym samym budzie admieniena rašeńnie Džo Bajdena admovicca ad płastykavaha posudu ŭ dziaržaŭnych ustanovach da 2035 hoda. Post Trampa tut ža atrymaŭ chvału ad Iłana Maska: «Najvialikšy prezident u historyi!»
Prablema sałominak turbavała Trampa jašče niekalki hadoŭ tamu. Padčas pieradvybarčaj kampanii 2020 hoda jon krytykavaŭ demakrataŭ:
«Jany chočuć zabaranić sałominki dla pićcia. Chto-niebudź sprabavaŭ hetyja papiarovyja sałominki? Jany nie vielmi dobra pracujuć. Jany raspadajucca, jak tolki vy pjacie praź ich, a kali ŭ vas taki pryhožy halštuk, jak hety, u vas niama inšaha vybaru».
U toj čas pieradvybarčy štab Trampa pradavaŭ śpiecyjalna vyrablenyja płastykavyja sałominki z nadpisam «libieralnyja papiarovyja sałominki nie pracujuć».
U ES adnarazovyja płastykavyja vyraby, takija jak sałominki dla pićcia, zabaronienyja z 2021 hoda.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca5
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
A zajmaŭsia drobnym škodnictvam spadar Bajden Stary, kali zabaraniaŭ plastykavyja sałomki, zajmajecca, jak vy kažacie, bzduraj eŭrakałhas z 2021.