Hałoŭčanka: Biełarusy za apošnija 10 hadoŭ stali jeści mienš bulby
Premjer-ministr źviazvaje heta z tym, što biełarusy stali bahaciejšymi.
Raman Hałoŭčanka raspavioŭ, jak źmianilisia smakavyja pieravahi biełarusaŭ. Pa jaho słovach, žychary krainy stali jeści mienš bulby.
«Pa statystycy, za apošnija 10 hadoŭ biełarusy stali ŭžyvać mienš bulby — našaj tradycyjnaj kultury. Ale heta supravadžajecca adnačasovym rostam spažyvańnia sadaviny i harodniny, pryčym za 10 hadoŭ praktyčna na tracinu», — adznačyŭ Hałoŭčanka.
Premjer źviazvaje heta z rostam dachodaŭ i modaj na zdarovy ład žyćcia, piša BiełTA.
«Da hetaha viadzie rost dachodaŭ nasielnictva, heta značyć ludzi mohuć sabie dazvolić bolš darahuju pradukcyju, a taksama ŭkaranieńnie ŭ naša śviadomaść i praktyku elemientaŭ zdarovaha ładu žyćcia, zdarovaha charčavańnia, spažyvańnie bolšaj kolkaści naturalnaj klatčatki», — dadaŭ Hałoŭčanka.
Pa jaho słovach, u Biełarusi jość popyt i na zialonyja kultury ŭsich vidaŭ — bakłažany, piekinskuju kapustu, kabačok, sałodki pierac.
«Tamu ŭ stratehii raźvićcia ciapličnaha harodnictva Biełarusi adviedziena asablivaje miesca hetym kulturam. Pa ahurku i pamidoru ŭsio zrazumieła — heta harodnina šyrokaha spažyvańnia, a pa astatnich jość smakavyja pieravahi, tamu my zaraz vyrašyli kožny hod dadavać patrochu i hladzieć, jak budzie reahavać rynak.
Jość jašče vialiki abjom impartu (asabliva rańniaj viasnoj) z bolš ciopłych krain, ale my razumiejem, jak ruchacca dalej», — reziumavaŭ Hałoŭčanka.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie3
Kamientary
Nie. Prosta z dyjabietam nielha jeści bulbu, rys i makarony. Sachar padvyšajecca.