Na nievialikaj race Roś u Vaŭkavyskim rajonie sabrałasia vializnaja kolkaść kačak VIDEA
U tyktoku źjaviŭsia rolik, na jakim aŭtar pakazaŭ «našeście» kačak na race Roś, što ŭ Vaŭkavyskim rajonie Haradzienskaj vobłaści. Za dzień videa nabrała bolš za 80 tysiač prahladaŭ i zvyš paŭtary tysiačy łajkaŭ, piša Telegraf.news.
Na videa aŭtar pakazaŭ ahramadnuju kolkaść ptušak, jakija litaralna apanavali raku.
U kamientarach da videa karystalniki sacsietki cikavilisia, viarnulisia kački ŭžo z vyraju ci, uličvajučy nadta miakkuju ciapierašniuju zimu, navat u jaho sioleta nie lotali.
Inšy kamientatar napisaŭ, što heta prosta «Kłandajk dla palaŭničych». Adnak viasnovy siezon palavańnia na kačak u Biełarusi startuje tolki ŭ sakaviku.
Što mienavita pryvabiła kačak u takoj šalonaj kolkaści mienavita ciapier i mienavita na hetuju raku — pakul skazać ciažka.
Kamientary