Čystki ŭ armii ZŠA: Tramp zvolniŭ kiraŭnika Abjadnanaha kamiteta načalnikaŭ štaboŭ
U kiraŭnictvie armii ZŠA maštabnyja pierastanoŭki.
Prezident ZŠA Donald Tramp zvolniŭ staršyniu Abjadnanaha kamiteta načalnikaŭ štabaŭ hienierała Čarlza Braŭna. U svaju čarhu, novy kiraŭnik Pientahona Pit Chiehset adpraviŭ u adstaŭku jašče dvaich vysokapastaŭlenych vajskoŭcaŭ: načalnika štaba VMS admirała Lizu Frankieci i namieśnika kiraŭnika štaba VPS hienierała Džymi Słajfa, piša Bi-bi-si.
Pra zvalnieńnie hienierała Čarlza Braŭna Donald Tramp paviedamiŭ u svaim akaŭncie sacyjalnaj sietki Truth. Jon padziakavaŭ Braŭnu za bolš čym 40-hadovuju słužbu krainie. «Jon vydatny džentlmien i vybitny lidar, i ja žadaju jamu i jaho siamji vydatnaj budučyni», — napisaŭ Tramp.
Prezident ZŠA ŭ tym samym paviedamleńni abviaściŭ imia pierajemnika Braŭna. Tramp vyłučyŭ kandydaturu hienierał-lejtenanta VPS Dena Kiejna — pavodle słoŭ prezidenta, heta «daśviedčany piłot, ekśpiert pa nacyjanalnaj biaśpiecy, paśpiachovy pradprymalnik i «vajar» ź vialikim dośviedam apieracyj».
Tramp nahadaŭ, što Kiejn adyhraŭ važnuju rolu padčas baraćby z hrupoŭkaj «Isłamskaja dziaržava» i spraviŭsia z hetym «za niekalki tydniaŭ».
Akramia taho, prezident ZŠA krytykavaŭ svajho papiarednika Džo Bajdena za toje, što toj nie paśpieŭ pavysić Kiejna. «Razam ź Pitam Chiehsetam hienierał Kiejn i našy vajskoŭcy adnoviać mir siłaj, vyvieduć Amieryku na pieršaje miesca i adnoviać našy ŭzbrojenyja siły», — napisaŭ Tramp i dadaŭ, što daručyŭ kiraŭniku Pientahona Pitu Chiehsetu «vyłučyć kandydatury na piać dadatkovych pasad vysokaha ŭzroŭniu».
CNN źviartaje ŭvahu na niezvyčajny vybar Trampa: Den Kiejn zaraz znachodzicca ŭ adstaŭcy i nie źjaŭlajecca «čatyrochzorkavym hienierałam», jakich zvyčajna pryznačajuć na takuju vysokuju pasadu.
Prajekty zajavy Trampa źjavilisia paśla taho, jak Chiehset taksama abviaściŭ pra zvalnieńni admirała Lizy Frankieci, načalnika štaba VMS ZŠA, i hienierała Džymi Słajfa, namieśnika hałoŭnakamandujučaha VPS ZŠA.
«Padčas prezidenctva Trampa my farmujem novaje kiraŭnictva, jakoje zasiarodzić našy ŭzbrojenyja siły na ich hałoŭnaj misii — strymańni, viadzieńni i pieramozie ŭ vojnach».
Usie try vysokija vajskoŭcy, jakija byli adstaŭlenyja ad pasadaŭ, byli pryznačany papiarednikam Trampa, Džo Bajdenam. Pit Chiehset šmatrazova krytykavaŭ Čarlza Braŭna ŭ samych rezkich vyrazach. U kancy minułaha hoda, jašče da svajho pryznačeńnia kiraŭnikom Pientahona, Chiehset śćviardžaŭ, što Braŭn abaviazany svajoj vysokaj pasadaj tolki dziakujučy palitycy rasavaj raznastajnaści.
Braŭn — druhi ŭ historyi ZŠA čornaskury kiraŭnik Abjadnanaha kamiteta načalnikaŭ štabaŭ (paśla Kolina Paŭeła). U 2020 hodzie jon zaniaŭ aktyŭnuju hramadzianskuju pazicyju paśla śmierci Džordža Fłojda, jaki byŭ zabity padčas zatrymańnia. Čarlz Braŭn apublikavaŭ videazvarot da Vyšejšych vajenna-pavietranych sił ZŠA, u jakim raspavioŭ pra cisk, jaki jon adčuvaŭ jak adzin ź niamnohich čornych mužčyn u svaim padraździaleńni, uklučajučy pytańni pra jaho paŭnamoctvy. U 2022 hodzie hienierał Braŭn, jaki kiravaŭ tolki štabam VPS, padpisaŭ miemarandum ab zabieśpiačeńni raznastajnaści ŭ tym liku pavieličeńnia doli kandydataŭ ź liku mienšaściaŭ i źnižeńnia doli biełych kandydataŭ.
Chiehsiet taksama vyśmiejvaŭ pryznačeńnie Lizy Frankieci — pieršaj žančyny na pasady načalnika štaba VMS ZŠA.
Stała viadoma, dzie pracuje favarytka Łukašenki Uładlena Zajcava19
Kamientary