Ułady ZŠA pahražali Ukrainie zakryć dostup da sistemy spadarožnikavaha internetu Starlink ad Iłana Maska. Pra heta paviedamiła Reuters sa spasyłkaj na krynicy.
Pavodle ich danych, takaja pahroza prahučała ŭ chodzie abmierkavańnia dostupu ZŠA da resursaŭ Ukrainy. U pryvatnaści, pytańnie Starlink padymałasia na pieramovach u Kijevie 20 lutaha pamiž Uładzimiram Zialenskim i śpiecpradstaŭnikom ZŠA Kiełaham.
Jon pahražaŭ «niepaźbiežnym adklučeńniem pracy» Starlink, kali nie budzie dasiahnuta damova ab redkaziamielnych mietałach.
Raniej na Miunchienskaj kanfierencyi pa biaśpiecy Zialenski adkinuŭ pieršapačatkovuju viersiju ździełki, prapanavanuju Vašynhtonam. Niadaŭna administracyja Donalda Trampa pieradała Kijevu novy prajekt pahadnieńnia.
Niezadoŭha paśla pačatku rasijskaha ŭvarvańnia Iłan Mask pieradaŭ Ukrainie tysiačy terminałaŭ Starlink, kab zamianić źniščanyja srodki suviazi. Jak piša Reuters, spačatku miljarder staŭ va Ukrainie hierojem, ale potym staŭleńnie źmianiłasia: jak minimum adzin raz, vosieńniu 2022 hoda, Mask abmiežavaŭ dostup da sistemy, bo staŭ krytyčniej stavicca da dziejańniaŭ Kijeva, nahadvaje Deutsche Welle.
Ekśpierty kažuć, što sistema Starlink asabliva važnaja dla kiravańnia bieśpiłotnikami USU.
«Ukraina pracuje na Starlink. Jany ličać jaho svajoj nakiroŭvajučaj zorkaj, — raspaviała krynica Reuters. — Strata Starlink stanie vielizarnym udaram».
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach54
Kamientary
...
I łučšie vydumať nie moh