KDB ličyć dziaŭčynu datyčnaj da «ekstremisckaha farmavańnia» MediaIQ — prajekta «Pres-Kłuba» pa pavyšeńni miedyjapiśmiennaści.
7 sakavika 2025 hoda ŭ Minskim haradskim sudzie pačynajuć sudzić žurnalistku Palinu Pitkievič. Jaje abvinavačvajuć va ŭdziele ŭ «ekstremisckim farmiravańni» (č.3 art. 361-1 Kryminalnaha kodeksa).
Kali ŭ červieni 2024 hoda KDB Biełarusi abvieściŭ prajekt Media IQ ekstremisckim farmiravańniem, to nazyvaŭ Pitkievič siarod jaho ŭdzielnikaŭ.
Prykładna ŭ toj ža čas akaŭnty Paliny apošni raz byli anłajn.
Palina Pitkievič naradziłasia ŭ 1994 hodzie. Skončyła fakultet žurnalistyki BDU (2016). Jana zachaplałasia teatram i niejki čas hrała jak aktrysa ŭ Łabaratoryi sacyjalnaha teatra ŭ Minsku. Jak žurnalistka pisała na kulturnickija temy.
Taksama Palina viadomaja svajoj luboŭju da žyvioł — na jaje staronkach u sacsietkach možna znajści mnostva abjaŭ pra dapamohu biazdomnym chvastatym. Pa słovach znajomych, u Paliny ŭ samoj doma žyŭ nie adzin vyratavany kot.
Palinie Pitkievič pahražaje da 4 hadoŭ chimii ci ad 2 da 6 hadoŭ kałonii.
U Minsku sudziać žurnalista Ihara Iljaša — muža palitźniavolenaj Kaciaryny Andrejevaj
Paśla viartańnia ŭ Biełaruś aryštavali Vieraniku Žałuboŭskuju — ściuardesu Katarskich avijalinij, aktrysu i madel
Historyja aryštu mazyrskaj błohierki, jakaja niekalki hadoŭ chavałasia ad siłavikoŭ, akazałasia dramatyčnaj
Kamientary
Miž tym, jak paznačana ŭ artykule, dziaŭčyna jakraz dyplamavanaja žurnalistka. Pažadajma ž jej paśpiachova vykaraskacca z dryhvy tych nasamreč strašnych prablemaŭ.