Paškodžańnie vadapravodnaj sietki na ŭschodzie Minska łakalizavanaje
Paškodžańnie vadapravodnaj sietki va ŭschodnich mikrarajonach Minska łakalizavana, cisk u vadapravodnaj sietki adnaŭlajecca, paviedamiła UP «Minskvodakanał».
«Apieratyŭnymi bryhadami UP «Minskvodakanał» praciahvajucca rehłamientnyja raboty, nakiravanyja na likvidacyju mahčymych nastupstvaŭ, vyklikanych paškodžańniem vadapravodnaj sietki budaŭničaj arhanizacyjaj», — paviedamiła pres-słužba «Minskvodakanała».
Źnižeńnie cisku ŭ minskich mikrarajonach Uručča, Kopišča, Novaja Baravaja, pasiołak Aziaryšča adbyłosia 10 sakavika ŭ 16:07. Paviedamlałasia, što pryčynaj avaryi stała paškodžańnie budaŭničaj arhanizacyjaj vadapravodnaj sietki D 500 mm. Na niekatorych vulicach Minska byli bačnyja patoki vady.
Za apošnija dva tydni ŭ Biełarusi heta jak minimum siomaja bujnaja avaryja na sietkach elektra– i vodazabieśpiačeńnia, padličyła vydańnie «Pozirk» na padstavie analizu paviedamleńniaŭ ŚMI i dziaržaŭnych struktur.
5 sakavika pres-słužba Minskaha harvykankama paviedamlała pra čarhovaje parušeńnie pracy kamunalnych sietak žyćciezabieśpiačeńnia. Adznačałasia, što z pryčyny adklučeńnia elektraenierhii ŭ minskich kabielnych sietkach z-za «źnižeńnia cisku na vadapravodnaj sietki» pieraboi z vodazabieśpiačeńniem adčuli na sabie žychary vulic Mirašničenki, Siadych, Łahojski trakt, Hamarnika, Kalinoŭskaha, Cikockaha, Karbyšava.
Ranicaj 4 sakavika častka Žodzina zastałasia biez elektrazabieśpiačeńnia z-za paškodžańnia kabielnaj linii 10 kV na Biełaruskim aŭtamabilnym zavodzie.
U Mazyry 27-28 lutaha z-za padzieńnia drona była paškodžanaja adna z vysakavoltnych linij miascovaj CEC, što pryviało da adklučeńnia ciepłazabieśpiačeńnia.
Ranicaj 25 lutaha z-za abryvu provada na pavietranaj linii elektrapieradačy 110 kV parušałasia enierhazabieśpiačeńnie ŭ Pieršamajskim i Savieckim rajonach Minska.
24 lutaha «ŭ vyniku technałahičnaha parušeńnia ŭ pracy abstalavańnia» na padstancyi «Kobryn — Zachodniaja» (110 kV)» časova adsutničała elektrazabieśpiačeńnie častki spažyŭcoŭ rajonnaha centra».
Nočču 19 lutaha ŭ Asipovičach (Mahiloŭskaja vobłaść) adbyłasia avaryja, u vyniku jakoj biez vodazabieśpiačeńnia zastałosia 16 tys. spažyŭcoŭ i 78 abjektaŭ ekanomiki horada.
Va Uruččy i Novaj Barovaj źnikła vada. Na vulicy patop
Z-za adklučeńnia elektraenierhii ŭ Minsku było parušana vodazabieśpiačeńnie niekalkich vulic. Heta ŭžo nie pieršy raz
U Minsku z-za adsutnaści napružańnia byŭ spynieny ruch niekatorych tramvajaŭ i tralejbusaŭ
Padaču vady ŭ Asipovičach paśla načnoj avaryi adnavili
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ1
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary