Zdareńnie adbyłosia ŭ studzieni ŭ Krasnapolskim rajonie. Susiedzi šmat varahavali z-za miežaŭ ziamielnych učastkaŭ.
Niejak ranicaj u vioscy zaharełasia punia, a pakolki haspadar adsutničaŭ, uźnikła viersija pra vierahodny padpał.
Paźniej była ŭstanoŭlena datyčnaść da padpału 58-hadovaha susieda paciarpiełaha. Jak vyśvietliłasia, miascovy žychar šmat hadoŭ kanfliktavaŭ z dačnikam praz, na jaho dumku, niapravilnyja miežy ziamielnych učastkaŭ i, adpaviedna, pravy na łaźniu.
Śledčyja ŭstanavili, što kala treciaj hadziny ranicy mužčyna, znachodziačysia ŭ stanie ałkaholnaha apjanieńnia, pryjšoŭ na ŭčastak susieda i padpaliŭ draŭlanuju pabudovu, paśla čaho viarnuŭsia da siabie dadomu i vykinuŭ u kanalizacyjny luk halošy, u jakich chadziŭ na miescy złačynstva.
Padčas ahladu miesca zdareńnia była znojdziena darožka śladoŭ halošaŭ. Pa ich, a taksama pa halošach fihuranta ekśpierty praviali sudovuju trasałahičnuju ekśpiertyzu, vyniki jakoj paćvierdzili supadzieńnie.
Taksama ekśpierty adznačyli, što kali b nie byli pryniatyja miery pa tušeńni ŭčastka, ahoń moh by raspaŭsiudzicca i na žyły dom paciarpiełaha.
U dačynieńni da viaskoŭca raspačataja kryminalnaja sprava.
Ciapier čytajuć
«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT10
Kamientary