Śviet99

Prezident Litvy praciahvaje vystupać za ŭnifikacyju sankcyj suprać biełarusaŭ i rasijan

Litoŭski Siejm hałasuje za praciahvańnie abmiežavalnych mier suprać hramadzian Biełarusi i Rasii jašče na hod. U zakonie sankcyj suprać biełarusaŭ pa-raniejšamu mienš, ale ŭ administracyi prezidenta Litvy inšaje mierkavańnie.

Prezident Litvy praciahvaje vystupać za ŭnifikacyju abmiežavańniaŭ suprać hramadzian Biełarusi i Rasii.

Pra heta raskazaŭ hałoŭny daradca prezidenta Hitanasa Naŭsiedy Frederykas Jansanas, piša LRT.

«Pazicyja prezidenta nie źmianiłasia, hieapalityčnaja situacyja taksama nie źmianiłasia. Bolš za toje, za hetyja dva hady jana pahoršyłasia. Z tych časoŭ, jak u 2023 hodzie my ŭpieršyniu pačali havaryć pra ŭnifikacyju sankcyj u dačynieńni da hramadzian Rasii i Biełarusi, za hetyja dva hady Biełaruś stała jadziernaj dziaržavaj, na terytoryi jakoj raźmieščanaja rasijskaja jadziernaja zbroja, heta značyć jašče bolš zbliziłasia z Rasijaj, i adroźnivać ich robicca ŭsio składaniej. Tamu prablema nikudy nie źnikła, i pazicyja prezidenta zastajecca niaźmiennaj», — zajaviŭ Jansanas.

Siejm hałasuje za praciahvańnie sankcyj suprać rasijan i biełarusaŭ jašče na hod. Abmiežavańni nie ŭnifikavanyja: naprykład, rasijanam biez DNŽ zabaroniena nabyvać u Litvie nieruchomaść, im nielha ŭjaždžać u krainu praź źniešnija miežy ES. Pry hetym MZS Litvy vystupaje suprać unifikacyi abmiežavańniaŭ.

Administracyja prezidenta Litvy nie bačyć ničoha kiepskaha ŭ tym, što MZS prytrymlivajecca inšaha punktu hledžańnia, i prapanuje prosta praciahvańnie abmiežavańniaŭ, nie ŭnifikujučy ich.

«Hetyja pazicyi nie abaviazkova pavinny supadać z pazicyjaj prezidenta», — adznačyŭ daradca Naŭsiedy.

Kamientujučy pazicyju niekatorych členaŭ Siejma, jakija prahałasavali suprać praciahvańnia sankcyj, Jansanas zajaviŭ, što častka ź ich uśviadomiła svaju pamyłku. Tym nie mienš, daradca prezidenta Litvy adznačyŭ, što nie razumieje niekatorych tak zvanych ekanamičnych arhumientaŭ, na padstavie jakich było pryniata rašeńnie hałasavać suprać.

«Ja razumieju, kali pry eksparcie ŭ ciabie niama rynkaŭ zbytu, i ty hublaješ hrošy — heta łahična. Ale jakim čynam možna niešta stracić z-za impartu — heta chaj užo ekanamisty Nemuno aušros [»Zara nad Niomanam» — papulisckaja partyja, jakaja ŭvachodzić va ŭradavuju kaalicyju. — NN] rastłumačać bolš detalova.

Ale, dumaju, u kožnaha jość svajo mierkavańnie, svaje simpatyi ci antypatyi da Rasii i Biełarusi, adnak nie dumaju, što pazicyja litoŭskaj dziaržavy źmienicca ŭ najbližejšy čas», — skazaŭ Jansanas.

Na minułym tydni Siejm paśla pradstaŭleńnia ŭchvaliŭ prapanovu pra praciah nacyjanalnych sankcyj suprać hramadzian Rasii i Biełarusi.

Ciapier zakon ab nacyjanalnych sankcyjach praduhledžvaje, što hetyja abmiežavalnyja miery dziejničajuć da 2 maja 2025 hoda. Prapanujecca padaŭžeńnie hetaha terminu jašče na hod.

U ramkach hetaha zakona ŭzmocnienyja praviły vydačy hramadzianam Rasii i Biełarusi dazvołaŭ na pastajannaje i časovaje pražyvańnie ŭ krainie, vizaŭ, a taksama elektronnaha statusu rezidenta. Taksama zabaroniena pierasiačeńnie źniešniaj miažy Jeŭrasajuza hramadzianami Rasii, a tyja, što ŭjazdžajuć, aceńvajucca na pradmiet dadatkovych ryzyk.

Akramia taho, zakanadaŭčy akt abmiažoŭvaje prava hramadzian Rasii na nabyćcio nieruchomaści ŭ Litvie, uvoz sielskahaspadarčaj pradukcyi i karmoŭ rasijskaha i biełaruskaha pachodžańnia, a taksama ŭkrainskich hryŭniaŭ.

Kamientary9

  • Janina
    18.03.2025
    Ničoha dziŭnaha. Dapamahaje svaim ruskim braťjam u nadziei na čarhovy kavałak Biełarusi.
  • Pahonia
    18.03.2025
    Jakaja nam pavinna być roźnica, što jany tam prymajuć u Litvie? Siońnia suprać biełarusaŭ, zaŭtra - suprać palakaŭ buduć.
    Našy ludzi masava ŭžo źjazdžajuć adtul. Tamu nijakaj značnaści dla nas heta nia maje!
  • Žamojt
    18.03.2025
    Praśvistaje Vilniu

Ciapier čytajuć

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca12

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca

Usie naviny →
Usie naviny

Prapahandyst ANT Alaksandraŭ razyhraŭ scenku svajoj razmovy z emihrantami, ale heta akazałasia chłuśnioj3

Amierykanskaja raźviedka nie paćviardžaje zajavy Rasii ab akružeńni USU na Kurščynie3

U Minsku jość zamak, pra jaki mała chto viedaje FOTY3

Na zachadzie Minska paškodžana ciepłasietka2

«Strašna, što takoje adbyvajecca pa duraści». U vioscy pad Łahojskam — mocny pažar, zhareli niekalki damoŭ

DAI Minskaj vobłaści kaža, što DAI Hrodzienskaj vobłaści zapuściła fejk pra techahlad5

Čamu ŭ Biełarusi imkliva padaje naradžalnaść?42

U centry Minska złavili hihanckaha sudaka3

Prezident Litvy: U nas jość 4-5 hadoŭ, kab padrychtavacca da mahčymaj ahresii15

bolš čytanych navin
bolš łajkanych navin

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca12

20-hadovaja ŭkrainka źnikła ŭ Dubai paśla «viečarynki z šejchami». Zaraz jana tolki varušyć vusnami i nie moža ruchacca

Hałoŭnaje
Usie naviny →

Zaŭvaha:

 

 

 

 

Zakryć Paviedamić