Na vajnie źnik bieź viestak biełaruski zvarščyk, jaki pavajavaŭ za Rasiju nie bolš za miesiac
36-hadovy Siarhiej Aŭsiańnikaŭ pachodzić z Brestčyny. U mužčyny była sudzimaść za narkotyki.
Siarhiej padpisaŭ kantrakt z rasijskim Ministerstvam abarony ŭ śniežni 2023-ha. Słužyŭ u vajskovaj čaści 29328, što ŭ Rastoŭskaj vobłaści. Adnak słužba akazałasia niadoŭhaj. Aŭsiańnikaŭ tolki paśpieŭ prajści navučańnie i adpravicca na front.
Apošni raz mužčyna (jaho pazyŭny «Sieha») vychodziŭ na suviaź 30 studzienia 2024-ha, tady jon znachodziŭsia ŭ siale Klinovaje Bachmuckaha rajona. Miarkujecca, što Siarhieja nakryła minamiotnym abstrełam. Da hetaha času idzie evakuacyja cieł zahinułych, ale siarod tych, kaho ŭžo dastali, biełarusa niama.
Svajaki spadziajucca, što jon moh trapić va ŭkrainski pałon, adnak z času źniknieńnia ŭžo prajšło zanadta šmat času — bolš za hod.
Apošniaje miesca pracy Siarhieja — AAT «Brestmietałmantaž», tam jon byŭ zvarščykam. Da hetaha mužčyna pracavaŭ na sielskahaspadarčym pradpryjemstvie «Astramiečava», a jašče raniej — u Bresckim haradskim ramontna-budaŭničym treście.
Aŭsiańnikaŭ byŭ sudzimy ŭ Rasii za niezakonnaje pierasiačeńnie miažy i ŭ Biełarusi pa narkatyčnych artykułach.
Viadoma, što da taho, jak pajechać na vajnu, Aŭsiańnikaŭ aktyŭna zajmaŭsia rybałkaj. Pra heta jon raskazvaŭ u sacsietkach.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary