Sietka elektrazaradnych stancyj Malanka z 1 krasavika pavyšaje taryfy na zaradku elektramabilaŭ. Rost taryfaŭ składzie 7-9% u zaležnaści ad chutkaści zaradki.
Jak rastłumačyŭ apieratar sietki, pavyšeńnie taryfaŭ vyklikanaje rostam koštu elektraenierhii (na 11,9% da 0,2412 rubla za 1 kVt⋅h z 1 studzienia, zhodna z pastanovaj urada).
Košt pavolnaj zaradki ŭ sietcy Malanka z krasavika składzie 0,46 rubla za kVt⋅h (+7%), chutkaj zaradki — 0,61 rubla za kVt⋅h (+8,9%). Reziervavańnie zaradnaha kaniektara (15 chvilin) abyjdziecca ŭ 2,1 rubla (+5%).
Akramia taho, z 1 krasavika na chutkich zaradnych stancyjach sietki Malanka ŭviaduć płatu za vykarystańnie zaradnaha kaniektara paśla zaviaršeńnia zaradnaj siesii.
«Paśla zakančeńnia zaradki ŭ karystalnika budzie 20 chvilin, kab vyzvalić EZS. Paśla zakančeńnia hetaha času košt pasłuhi składzie 0,30 rubla za kožnuju chvilinu vykarystańnia kaniektara», — havorycca ŭ paviedamleńni.
U sietcy ličać, što hetaja miera «dazvolić aptymizavać vykarystańnie zaradnych stancyj i pavysić ich dastupnaść dla ŭsich karystalnikaŭ».
Brescki błohier pakazaŭ, jak kitajski elektrakar bačyć zdaniaŭ na mohiłkach VIDEA
«Nie chaču spansaravać Maska». Čamu biełarusy (nie) pradajuć svaje Tesla
Budučynia biełaruskaha elektramabila ŭ tumanie: «Mahiloŭliftmaš» i «Vymiaralnik» robiać zanadta darahija zapčastki
«Biełtelekam» z 1 sakavika pavyšaje košt niekatorych pasłuh
Ciapier čytajuć
Maryna Adamovič apublikavała novyja FOTY Mikoły Statkieviča2
Kamientary