Сетка электразарадных станцый Malanka з 1 красавіка павышае тарыфы на зарадку электрамабіляў. Рост тарыфаў складзе 7-9% у залежнасці ад хуткасці зарадкі.
Як растлумачыў аператар сеткі, павышэнне тарыфаў выкліканае ростам кошту электраэнергіі (на 11,9% да 0,2412 рубля за 1 кВт⋅г з 1 студзеня, згодна з пастановай урада).
Кошт павольнай зарадкі ў сетцы Malanka з красавіка складзе 0,46 рубля за кВт⋅г (+7%), хуткай зарадкі — 0,61 рубля за кВт⋅г (+8,9%). Рэзерваванне зараднага канектара (15 хвілін) абыйдзецца ў 2,1 рубля (+5%).
Акрамя таго, з 1 красавіка на хуткіх зарадных станцыях сеткі Malanka ўвядуць плату за выкарыстанне зараднага канектара пасля завяршэння зараднай сесіі.
«Пасля заканчэння зарадкі ў карыстальніка будзе 20 хвілін, каб вызваліць ЭЗС. Пасля заканчэння гэтага часу кошт паслугі складзе 0,30 рубля за кожную хвіліну выкарыстання канектара», — гаворыцца ў паведамленні.
У сетцы лічаць, што гэтая мера «дазволіць аптымізаваць выкарыстанне зарадных станцый і павысіць іх даступнасць для ўсіх карыстальнікаў».
Брэсцкі блогер паказаў, як кітайскі электракар бачыць зданяў на могілках ВІДЭА
«Не хачу спансараваць Маска». Чаму беларусы (не) прадаюць свае Tesla
Будучыня беларускага электрамабіля ў тумане: «Магілёўліфтмаш» і «Вымяральнік» робяць занадта дарагія запчасткі
«Белтэлекам» з 1 сакавіка павышае кошт некаторых паслуг
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі3
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары