Raniej toj ža śviatar zrabiŭ anałahičny «jeŭraramont» na Kniahininskaj carkvie — jon byŭ pryznany niezakonnym.
Radykalnyja źmieny ŭ vyhladzie ścipłaj mohiłkavaj kaplicy ŭ Vyhałavičach Miadzielskaha rajona zaŭvažyŭ telehram-kanał «Naračanščyna | Naračanski kraj»
Draŭlanaja kaplica na miascovych mohiłkach, vidać, była pabudavanaja ŭ pačatku XX stahodździa i zachoŭvała svoj aŭtentyčny askietyčny, ale atmaśfierny vyhlad až da minułaha hoda.
Z hadami ŭ kaplicy prasieŭ padmurak, zhnili nižnija viancy i pačała praciakać stracha, tamu ŭ 2024 hodzie nastajaciel Kniahininskaj carkvy prapanavaŭ adramantavać kaplicu, z čym viaskoŭcy pahadzilisia.
U vyniku na chramie, jaki arhanična ŭpisvałasia ŭ asiarodździe, śviatar pravioŭ taki «jeŭraramont», što jon staŭ vyhladać dosyć tanna i čužarodna dla miesca pamiaci.
Ścieny byli ašalavanyja kruhlavym sajdynham pad dreva, źniščany pryčołak, fasad staŭ absalutna płoskim, u voknach źjavilisia škłopakiety, dach nakryty sinim mietałaprofilem, a pasiaredzinie jahonaha kańku pastaŭlena załataja hłaŭka-cybulina.
Za adno na mohiłkach śpiłavali apošnija drevy.
Da 2020 hoda toj ža śviatar ašalavaŭ draŭlanym sajdynham Śviata-Troickuju carkvu ŭ Kniahininie i ŭstaviŭ zamiest draŭlanych voknaŭ škłopakiety. Ministerstva kultury paličyła, što hetyja raboty, praviedzienyja na historyka-kulturnaj kaštoŭnaści, źjaŭlajucca niezakonnymi.
«Naša Niva» — bastyjon biełaruščyny
PADTRYMAĆ
Kamientary
*ŭ pačatku XX stahodździa - NA pačatku
*ašalavanyja - aBšalavanyja
*pryčołak - FRANTON , nijakich "pryčvarkaŭ" niama NIDZIE, akramia NN
*iahonaha kańku - jaho kańku ("iahony" - heta nieafita-zanadta-biełaruskaje)
*hłaŭka-cybulina - kupałok/hałoŭka. "hłaŭka" - heta maleńkaja hłava(raździeł) ŭ knizie
*zamiest draŭlany voknaŭ - draŭlanyCh
Pasiaredzinie kańka, albo pasiaredzinie vilčyka. Kančatak -a.
Jahonaha i jaho prybrać, i tak zrazumieła što takoje i dzie jość toj kaniok albo vilčyk. A to atrymlivajecca jak "ściana i jejnyja vokny", "hanak i jahonyja (jaho) prystupki".
Jahony - zvyčajnaja norma, ničoha nieafitnaha tut niama.
U rasijskaj movie "ieho", a "ievonyj" razmoŭnaja forma, žarhanizm, niepiśmiennaść.
U biełaruskaj movie jakraz "iahony".
Kaho? Jaho.
Čyj? Jahony.
"Kupałok" tut nie nadta pasuje, bo maje kanatacyi svajho, kaštoŭnaha.
Tut razmova pra niedarečnaść, pra čužarodnaje tamu lepš ŭžo zvykłaje "cybulina".