Łukašenka prylacieŭ u Isłamabad. Horad z usich bakoŭ akružany pratestoŭcami
Horad, u jaki prylacieŭ Łukašenka z trochdzionnym vizitam, ciapier znachodzicca ŭ asadnym stanie pad achovaj dziasiatkaŭ tysiač siłavikoŭ i vajskoŭcaŭ. Da stalicy Pakistana z usich kutkoŭ krainy padyšli vielizarnyja kałony pratestoŭcaŭ, jakija patrabujuć vyzvaleńnia ich lidara i adstaŭki ŭrada. Apazicyja rychtujecca ŭvajści ŭ stalicu.
Stalica Pakistana Isłamabad, kudy siońnia prylacieŭ Łukašenka (a razam ź im i vialikaja delehacyja biełaruskich ministraŭ, čynoŭnikaŭ i pramysłoŭcaŭ — ahułam 80 čałaviek), ciapier nahadvaje izalavanuju krepaść — horad zakryty na zajezd i vyjezd, pierakrytyja ŭsie hałoŭnyja aŭtamahistrali, a taksama darohi da mižnarodnaha aeraporta Isłamabada.
@nashaniva Łukašenka prylacieŭ u Isłamabad, dzie pačalisia biesparadki i stralanina #łukašienko #politika #novosti #vybory #protiesty #2020 #pakistan #vizit #pravitielstvo #činovnik #dieputat #biełaruś #minsk ♬ Epic News - DM Production
Dla achovy horada mabilizavanyja 34 tysiačy siłavikoŭ i vajskoŭcaŭ, a hramadski transpart i škoły nie pracujuć, internet častkova zabłakavany, paviedamlajuć vydańnie Pakistan Today i inšyja miascovyja i suśvietnyja miedyja, mnohija ź jakich ciapier viaduć žyvyja tranślacyi ź miescaŭ padziei.
Pa apošniaj infarmacyi, vielizarnyja aŭtakałony i maršy pratestoŭcaŭ užo znachodziacca na hałoŭnych zajezdach u horad. Ich ahulnaja kolkaść varjirujecca ad niekalkich dziasiatkaŭ da niekalkich sotniaŭ tysiač čałaviek (u toj ža čas pakistanskija ŭłady śćviardžajuć, što pratestoŭcaŭ usiaho krychu bolš za 10 tysiač).
Pieramovy pamiž uradam i apazicyjaj pakul nie dajuć vynikaŭ. Lidary pratestu admaŭlajucca spyniacca, a kiraŭnik MUS Pakistana Machsin Nakvi pahražaje ŭsim im aryštam i pačatkam stralaniny, adznačaje adno z najbujniejšych anhłamoŭnych vydańniaŭ Pakistana The News International (pavodle miedyja, padčas pratestaŭ byŭ zastreleny aficer palicyi, jašče niekalki paranienyja).
Acanić maštaby ciapierašnich pratestaŭ možna ŭnizie.
کپتان کی فائنل کال، عوام پاکستان کا سونامی اسلام آباد سے ٹکرانے کے لئے منزل کی طرف رواں دواں! #HistoryInTheMaking pic.twitter.com/BbrUrXcVWG
عوام کا سمندراسلام آباد 26نمبر pic.twitter.com/JMrpTkRAQ7
Just IN:— Thousands of supporters of former Pakistan PM Imran Khan march towards Islamabad, as govt lockdowns the capital.pic.twitter.com/90xgbOsUVO
Nahadajem, što sotni tysiač prychilnikaŭ byłoha premjer-ministra Pakistana Imrana Chana, jaki ciapier znachodzicca ŭ turmie, pa jahonym zakliku raspačali dniom u niadzielu ahulnanacyjanalny marš apazicyi na pakistanskuju stalicu Isłamabad z usich kutkoŭ krainy, patrabujučy vyzvaleńnia ich lidara i adstaŭki ŭrada.
Apazicyjnaje šeście sustreła žorstkuju reakcyju z boku pakistanskich uładaŭ, jakija mabilizavali palicejskich i vajskoŭcaŭ, adklučyli mabilny internet u zonach šeścia pratestoŭcaŭ, a taksama zabłakavali stalicu z usich bakoŭ, pierakryŭšy klučavyja darohi na ŭjeździe ŭ horad transpartnymi kantejnierami.
Pa źviestkach indyjskaha telekanała News18, ułady Pakistana praviali maštabnyja aryšty siarod členaŭ i aktyvistaŭ bujnoj apazicyjnaj Partyi spraviadlivaści (PTI), jakoj kiruje Imran Chan. Na hety momant viadoma pra zatrymańnie jak minimum 4 tysiač pratestoŭcaŭ pa ŭsioj krainie (siarod aryštavanych jość i parłamientaryi). Adnak da maršu praciahvajuć dałučacca ludzi z rehijonaŭ, i jon praciahvaje iści na stalicu.
Partyja spraviadlivaści (PTI) pa vynikach parłamienckich vybaraŭ u lutym 2024 hoda nabrała najbolšuju kolkaść miescaŭ (92) u Nacyjanalnaj asamblei Pakistana (nižniaja pałata parłamienta) praz padtrymku niezaležnych kandydataŭ, bo samoj partyi byŭ zabaronieny ŭdzieł u vybarach uładami Pakistana. Pavodle apošnich sacyjałahičnych apytańniaŭ, PTI padtrymlivajuć 35% nasielnictva (kala 85 miljonaŭ čałaviek), a sama partyja maje adnosna siabroŭskija znosiny z krainami Zachadu.
Kamientary