Nieruchomaść66

Pahladzieli, kolki prosiać za arendu lecišča niedaloka ad Minska. Jość varyjanty ad 250 rubloŭ za miesiac

Kolki kaštuje arandavać lecišča pobač sa stalicaj? Pahladzieli na varyjanty ŭ roznych canavych dyjapazonach.

Da 150 dalaraŭ

Ahraharadok Kastryčnik

Samy tanny letni domik adnosna niedaloka ad stalicy znachodzicca ŭ ahraharadku Kastryčnik (heta Łahojski rajon). Arandavać na siezon jaho možna za 250 rubloŭ (ci kala 80 dalaraŭ) štomiesiac. Jak možna zdahadacca pa košcie, vyhladaje prapanova vielmi ścipła.

Heta nievialikaja draŭlanaja chatka. Unutry akuratna, ale čas byccam spyniŭsia minimum hadoŭ tryccać tamu: staraja mebla, paciorty dyvan dy žyrandoli, jakija pieražyli SSSR. Aciapleńnie, viadoma, piačnoje. Vada na vulicy, tualet, pa staražytnaj tradycyi, za miežami doma.

Płošča ŭčastka 25 sotak.

Sadovaje tavarystva «Viedryca»

Za 70 kiłamietraŭ ad MKAD zdajuć domik u sadovym tavarystvie «Viedryca» (Červieński rajon). Adrazu paznačym: heta lecišča dla tych, chto nie pakatuje na kłaŭstrafobiju, bo płošča budynka ŭsiaho 18 kvadrataŭ. Pry hetym paznačana, što žyć tam mohuć try čałavieki.

Mebli tut nie adzin dziasiatak hadoŭ.

Zatoje ŭčastak 20 sotak, a pobač les i voziera. U prapanovie paznačana, što jość i łaźnia, ale na fota jaje nie vidać.

Patencyjnych arandataraŭ sprabujuć pryvabić tym, što da kramy ŭsiaho paŭtara kiłamietra, a aŭtałaŭka pryjazdžaje dva razy na tydzień.

Prosiać za takoje lecišča adnosna niašmat — 272 rubli (ci kala 90 dalaraŭ) štomiesiac.

Vioska Kryžoŭka

Dom za 450 rubloŭ (ci kala 150 dalaraŭ) štomiesiac vyhladaje ŭžo nadziejniejšym. Znachodzicca jon u malaŭničaj vioscy Kryžoŭka, da MKAD usiaho 12 kiłamietraŭ.

Płošča doma 43 kvadraty, tam try pakoi. Vada siezonnaja, sanvuzieł (kali draŭlanuju budačku možna tak nazvać) na vulicy. Zatoje jość bojler.

Učastak čatyry sotki, pa fota bačna, što na im jość drevy i vielmi šmat dźmuchaŭcoŭ. Voś taki łandšaftny dyzajn.

400-600 dalaraŭ

Vioska Žukaŭ Łuh

Da hetaj vioski ź minskaha Uručča jechać usiaho 5 kiłamietraŭ. Tut prapanujuć dvuchpaviarchovy dom ź biarvieńnia. Płošča 100 kvadrataŭ. Jość kanalizacyja, elektryčnaje aciapleńnie i haračaja vada.

Tut try spalni, haścioŭnia i stałovaja. A jašče ŭ samim domie znachodzicca łaźnia.

Učastak 5 sotak, na im stajać altanka i manhał. Šmat pładovych dreŭ i kustoŭ.

Arandavać usio heta možna za 1211 rubloŭ (ci 400 dalaraŭ) štomiesiac.

Sadavodčaje tavarystva Zara-Plus

Tut zdajuć lecišča, jakoje pabudavali ŭ 1991 hodzie. Adčuvajecca, što rabili dla siabie i ad dušy. Dvuchpaviarchovy dom cahlany, jaho płošča kala 100 kvadrataŭ.

U pakojach čysta i akuratna. Mebla nie vielmi novaja, ale, pabačyŭšy jaje, płakać nie chočacca.

Prybiralnia znachodzicca ŭnutry doma, tam adnosna sučasny ramont. Ustalavana pralnaja mašyna.

Płošča ŭčastku 5 sotak, jość haraž.

Zdajuć takoje lecišča ŭ arendu za 1514 rubloŭ (ci 500 dalaraŭ štomiesiac).

Sadavodčaje tavarystva Enierhietyk-1

Jechać siudy sa stalicy na mašynie ŭsiaho 10 chvilin, bo faktyčna heta pryharad Minska.

Arandavać možna dvuchpaviarchovy cahlany dom, pabudavany ŭ 2015 hodzie. Płošča — 120 kvadrataŭ.

U pakojach dychtoŭnaja mebla epochi nulavych i puzaty televizar. Aciapleńnie elektryčnaje (ale možna i raspalvać kamin), haz z bałonu, kanalizacyja jość.

U vannym pakoi ŭstalavana davoli vialikaja dušavaja kabina (bojler taksama ŭ najaŭnaści).

Płošča ŭčastku 5 sotak. Jość areli i zona barbiekiu, a taksama haraž.

Cana pytańnia — 1817 rubloŭ (ci 600 dalaraŭ štomiesiac).

Kamientary6

  • cha ms
    12.05.2025
    "tualet, pa staražytnaj tradycyi, za miežami doma."
    pa staražytnaj tradycyi ))
    "U pakojach dychtoŭnaja mebla epochi nulavych i puzaty televizar."
    )))
  • Maksim Dizjnier
    12.05.2025
    Nu i začiem śnimať studiju v Minsk Mir, jeśli za tie žie dieńhi možno śniimať kottiedž v Žukov Łuhie 5km ot Uruċja?Viečo ždať skoruju?Etu sielskoje limitu umom nie poniať.
  • dočka Maksima Dizajniera
    12.05.2025
    nu. Minsk-Mir - heta niejki žach. pa ŭsich paramietrach

Ciapier čytajuć

Tramp: 17 sistem Patriot adpravim va Ukrainu6

Tramp: 17 sistem Patriot adpravim va Ukrainu

Usie naviny →
Usie naviny

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

Krainy ES pahadzilisia źnizić cenavaje abmiežavańnie na rasijskuju naftu na 15 %

U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia

bolš čytanych navin
bolš łajkanych navin

Tramp: 17 sistem Patriot adpravim va Ukrainu6

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić