«Nikoli nie kažy nikoli», — adkazaŭ Donald Tramp Marku Karni.
«Kanada nie pradajecca», — zajaviŭ premjer-ministr Kanady Mark Karni padčas sustrečy z prezidentam ZŠA Donaldam Trampam u Biełym domie ŭ aŭtorak, piša Rasijskaja słužba Radyjo Svaboda.
Hetaja replika premjer-ministra Kanady prahučała ŭ adkaz na słovy prezidenta ZŠA pra toje, što ŭstupleńnie Kanady ŭ skład ZŠA budzie «cudoŭnym šlubam». «Nikoli nie kažy nikoli», — adkazaŭ Donald Tramp Marku Karni.
Niahledziačy na publičnaje razychodžańnie ŭ mierkavańniach, dva lidary vykazali zadavalnieńnie z nahody praviedzienaj sustrečy.
Premjer-ministr Kanady Mark Karni, čyja Libieralnaja partyja pieramahła na niadaŭnich parłamienckich vybarach u Kanadzie pad łozunhami supraćstajańnia płanam Donalda Trampa ŭ dačynieńni da Kanady, nazvaŭ sustreču «kanstruktyŭnaj». Prezident ZŠA Donald Tramp, pa jaho słovach, čakaje, što adnosiny z novym lidaram Kanady buduć ciesnymi.
Pavodle zajaŭ abodvuch bakoŭ, Donald Tramp i Mark Karni abmierkavali situacyju ŭ śviecie, uklučajučy rasijskaje ŭvarvańnie va Ukrainu i adnosiny ź Iranam, a taksama handlovyja adnosiny pamiž dźviuma krainami, jakija značna ŭskładnilisia paśla ŭviadzieńnia amierykanskich impartnych pošlin na značnuju častku kanadskaha ekspartu ŭ ZŠA i kanadskich pošlin u adkaz na amierykanski impart.
Nijakich damoŭlenaściaŭ pa hetaj prablemie dasiahnuta nie było, ale paśla pieramoŭ premjer-ministr Kanady abviaściŭ pra hatoŭnaść da praviadzieńnia pieramoŭ ab admienie handlovych pošlin i dasiahnieńni novaha handlovaha pahadnieńnia pamiž dvuma najbujniejšymi handlovymi partniorami.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
U novym śviecie, jak jaho bačać novyja ŭłady zša, nijakich alternatyŭ nie budzie. Albo ty ŭnutry krepaści i adnosna niabłaha žyvieš.
Albo zvonku i hryzieš kostki pad ścienami.