«Ніколі не кажы ніколі», — адказаў Дональд Трамп Марку Карні.
«Канада не прадаецца», — заявіў прэм’ер-міністр Канады Марк Карні падчас сустрэчы з прэзідэнтам ЗША Дональдам Трампам у Белым доме ў аўторак, піша Расійская служба Радыё Свабода.
Гэтая рэпліка прэм’ер-міністра Канады прагучала ў адказ на словы прэзідэнта ЗША пра тое, што ўступленне Канады ў склад ЗША будзе «цудоўным шлюбам». «Ніколі не кажы ніколі», — адказаў Дональд Трамп Марку Карні.
Нягледзячы на публічнае разыходжанне ў меркаваннях, два лідары выказалі задавальненне з нагоды праведзенай сустрэчы.
Прэм’ер-міністр Канады Марк Карні, чыя Ліберальная партыя перамагла на нядаўніх парламенцкіх выбарах у Канадзе пад лозунгамі супрацьстаяння планам Дональда Трампа ў дачыненні да Канады, назваў сустрэчу «канструктыўнай». Прэзідэнт ЗША Дональд Трамп, па яго словах, чакае, што адносіны з новым лідарам Канады будуць цеснымі.
Паводле заяў абодвух бакоў, Дональд Трамп і Марк Карні абмеркавалі сітуацыю ў свеце, уключаючы расійскае ўварванне ва Украіну і адносіны з Іранам, а таксама гандлёвыя адносіны паміж дзвюма краінамі, якія значна ўскладніліся пасля ўвядзення амерыканскіх імпартных пошлін на значную частку канадскага экспарту ў ЗША і канадскіх пошлін у адказ на амерыканскі імпарт.
Ніякіх дамоўленасцяў па гэтай праблеме дасягнута не было, але пасля перамоў прэм’ер-міністр Канады абвясціў пра гатоўнасць да правядзення перамоў аб адмене гандлёвых пошлін і дасягненні новага гандлёвага пагаднення паміж двума найбуйнейшымі гандлёвымі партнёрамі.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
У новым свеце, як яго бачаць новыя ўлады зша, ніякіх альтэрнатыў не будзе. Альбо ты ўнутры крэпасці і адносна няблага жывеш.
Альбо звонку і грызеш косткі пад сценамі.