Alaksandr Knyrovič vyłučajecca ŭ śpikiery Kaardynacyjnaj rady, pra heta jon paviedamiŭ u svaim telehram-kanale, razvažajučy pra toje, ci mahčymyja pieramieny ŭ 2030 hodzie.
«Situacyja ŭnutry krainy zastajecca niestabilnaj. Represii i padtrymka z boku Kramla nie źjaŭlajucca paŭnavartasnaj zamienaj narmalnaj pracy dziaržaŭnych instytutaŭ. Adnak asłableńnie Rasii ŭ bližejšyja 5—10 hadoŭ moža stvaryć novyja «vokny mahčymaściej» dla pieramien.
Ale naiŭna spadziavacca, što mienavita apazicyja ŭ emihracyi stanie ruchavikom hetych pieramien. Historyja navat «paśpiachovaha» prychodu da ŭłady Uładzimira Lenina i partyi balšavikoŭ sto vosiem hadoŭ tamu vučyć, što dla pieramienaŭ patrebnyja nie tolki lidary, ale i revalucyjnaja situacyja ŭnutry krainy: kali «vierchi nie mohuć», a «nizy nie chočuć», a taksama najaŭnaść revalucyjnaha kłasa i inšych nieabchodnych umovaŭ.
Pieramieny ŭ Biełarusi nie pryjduć z-za miažy. Budučy prezident demakratyčnaj «Novaje Biełarusi» ŭžo ciapier znachodzicca ŭnutry krainy», — piša Knyrovič.
Nahadajem, što miesca śpikiera Kaardynacyjnaj rady zastałosia vakantnym paśla tajamničaha źniknieńnia Anžaliki Mielnikavaj, jakaja pierastała vykonvać rolu śpikierki 12 lutaha. Zhodna sa statutam, praz try miesiacy paśla hetaha pavinny prajści vybary novaha staršyni. Siońnia, 12 maja, apošni dzień vyłučeńnia kandydatur. Vice-śpikierka, v.a. śpikiera KR Stasia Hlińnik raniej kazała, što nie budzie vyłučacca. Pra namier vyłučacca zajaviŭ paplečnik Paŭła Łatuški Arciom Bruchan.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary
Balšaviki pryjšli da ŭłady ŭ vyniku kontrrevalucyjnaha pieravarotu paśla sapraŭdnaj, Lutaŭskaj revalucyi.
Revalucyjnaja situacyja na toj čas syšła, možna kazać tolki pra praciah niestabilnaści ŭ krainie i słabaść novaj ułady.
"Revalucyjny kłas" u razumieńni balšavikoŭ - praletaryjat - nasamreč ich nie padtrymlivaŭ, toje možna razumieć pa vynikach vybaraŭ, u jakich balšaviki nikoli nie atrymlivali bolšaść. Pieravarot zrabiŭ nie kłas, a hrupa zmoŭščykaŭ, jakaja sama siabie pryznačyła kiraŭnictvam taho kłasu, nasamreč pracoŭnych tam nie było. Darečy, pa bolšaści heta była jak raz apazicyja z emihracyi, što pryjechała ŭ krainu ŭ čas padziej.
Balšaviki pryciahnuli apisańnie padziej da marksisckaj teoryi kłasavaj revalucyi, kali tyja padziei nasamreč mieli inšyja miechanizmy. (Chłuślivaja ŭłada pačynała s chłuśni z samaha pačatku). Maŭlaŭ, heta nie tolki my, heta prahresiŭnaja častka naroda, heta ŭvohule histaryčny prahres.
Čamu moža "vučyć" taja historyja: dakładna nie spraviadlivaści dohmaŭ savieckaj prapahandy pra revalucyju i kłasy, "viarchi" i "nizy". Tolki vidavočnamu: ŭ časy niestabilnaści mahčyma roznaje.