Pazoŭ suprać Minska pa spravie ab mihrantach: Litva patrabuje 200 miljonaŭ jeŭra kampiensacyi
Litva, jakaja padała na Biełaruś u Mižnarodny sud AAN patrabuje kampensavać škodu bolš za 200 młn jeŭra za mihracyjny kryzis, spravakavany režymam, paviedamlaje LRT.
Pavodle źviestak ministerstva, heta sprava taksama moža mieć značeńnie ŭ Jeŭrapiejskim sudzie pa pravach čałavieka (JESPČ) pry razhladzie sprečak pamiž mihrantami i Litvoj.
«U pazovie Litoŭskaj Respubliki zajaŭlena, što dziaržava patrabuje reparacyj, a (…) pavodle papiarednich padlikaŭ, škoda aceńvajecca bolš čym u 200 młn jeŭra, zatračanych vyklučna na kiravańnie kryzisam u sistemie ŭnutranych spraŭ. Raźliki buduć udakładniacca», — havorycca ŭ kamientary Ministerstva justycyi, pradastaŭlenym BNS na minułym tydni.
U pazovie Litva ŭkazvaje, što heta škoda ŭ 2021—2023 hadach uźnikła ŭ vyniku dziejańniaŭ Biełarusi, što zapatrabavali vymušanych inviestycyj u budaŭnictva fizičnaha barjera, uzmacnieńnie sistem nazirańnia na miažy, raźmiaščeńnie piersanału ŭ kolkaści, jakaja pieravyšała ŭsie papiarednija pakazčyki.
Praces u Mižnarodnym sudzie ŭ ahulnym sensie nie izalavany ad inšych i moža paŭpłyvać na acenku pradmieta sprečki ŭ spravach ab mihrantach, jakija razhladajucca ŭ Strasburhskim sudzie.
«Jon moža paŭpłyvać na inšyja pracesy abo navat mieć precedentnaje značeńnie ŭ pytańniach, jakija ŭ inšych spravach buduć źviazanyja z adkaznaściu dziaržavy, naprykład, pry acency pryčynna-vynikovaj suviazi adpaviednych padziej i ich nastupstvaŭ», — ukazała Ministerstva justycyi.
Precedentnaja suviaź pravavych pracesaŭ aznačaje, što ŭstanoŭlenyja ŭ inšaj spravie fakty abo tłumačeńnie normaŭ prava majuć jurydyčnaje značeńnie pry vyniasieńni rašeńnia pa razhladajemaj spravie.
Pavodle źviestak ministerstva, u ciapierašni čas u JESPČ razhladajucca siem indyvidualnych spraŭ suprać Litvy, što datyčacca pravoŭ mihrantaŭ.
U adkaz na napłyŭ mihrantaŭ Litva ź leta 2021 hoda pačała razvaročvać niezakonnych mihrantaŭ, zahadvajučy im viartacca ŭ Biełaruś. Hetaja praktyka praciahvajecca i ciapier.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»9
Kamientary