Prezident ZŠA Donald Tramp napisaŭ u sacsietcy Truth Social, što pahavaryŭ z premjer-ministrami Kambodžy i Tajłanda. Abiedźvie krainy, maŭlaŭ, užo hatovyja nieadkładna spynić ahoń.
Raniej prezident ZŠA pisaŭ, što siońnia ŭžo pahavaryŭ z premjer-ministram Kambodžy adnosna spynieńni vajny z Tajłandam i źbirajecca patelefanavać premjer-ministru Tajłanda, kab spynić vajennyja dziejańni.
Pry hetym Tramp pahražaŭ nie zaklučać ździełki z abiedźviuma krainami, kali jany nie skončać vajnu.
«Na hetaj vajnie mnohich ludziej zabivajuć, ale heta nahadvaje mnie kanflikt pamiž Pakistanam i Indyjaj, jaki ja ŭdała spyniŭ», — zajaviŭ prezident ZŠA.
Uzbrojenyja sutyknieńni na miažy pamiž Tajłandam i Kambodžaj iduć z 24 lipienia. Abodva baki śćviardžajuć, što dziejničajuć u metach samaabarony, i źviarnulisia pa dypłamatyčnuju padtrymku.
Pa stanie na 26 lipienia zahinuła nie mienš za 30 čałaviek, a bolš za 130 tysiač žycharoŭ byli vymušanyja pakinuć svaje damy.
Kryvavaja stralanina: što adbyvajecca pamiž Kambodžaj i Tajłandam?
Tajłand i Kambodža abmianialisia ŭdarami na sprečnym učastku dziaržaŭnaj miažy
Demakratyčnaja Respublika Konha i Ruanda padpisali ŭ kabiniecie Trampa mirnaje pahadnieńnie
Tramp: Ja arhanizavaŭ mirnuju damovu pamiž Konha i Ruandaj. Ale Nobiela mnie za heta nie daduć
Paźniak: Tramp ščyra nie razumieje, što za blednaja mol šalaścić pierad im
Kamientary