U Niderłandach 29 kastryčnika adbuducca daterminovyja parłamienckija vybary paśla taho, jak raspałasia kaalicyja, jakaja kiravała krainaj mienš za hod, piša Euronews.
Padstavaj dla kryzisu stali razychodžańni pa pytańniach mihracyi. Lidar ultrapravych — Hiert Viłders, kiraŭnik Partyi za svabodu, vyvieŭ svaich ministraŭ z urada, bo partniory admovilisia pryniać jahonuju prapanovu značna abmiežavać imihracyju.
Paśla hetaha premjer-ministr Dzik Schof padaŭ u adstaŭku. Urad, jaki praisnavaŭ tolki 11 miesiacaŭ, staŭ adnym z samych karotkaterminovych u historyi krainy. Ministarka ŭnutranych spraŭ Judzit Ujtermark paćvierdziła datu vybaraŭ.
Raniej Viłders patrabavaŭ ad svaich kaleh padpisać dakumient z 10 punktami, siarod jakich — vykarystańnie armii dla achovy miežaŭ i poŭnaja zabarona na pryjom šukalnikaŭ prytułku. Kali jany admovilisia, jon vykanaŭ svaju pahrozu i pakinuŭ urad, čym vyklikaŭ krytyku z boku inšych palitykaŭ. Lidar Narodnaj partyi za svabodu i demakratyju Dziłan Ješyłhioz nazvaŭ hetaje rašeńnie «vielmi biezadkaznym».
Pakul vybary nie adbuducca, Dzik Schof praciahnie vykonvać abaviazki premjera ŭ časovym uradzie. Urad taksama płanuje pravieści samit NATA ŭ Haazie, niahledziačy na palityčny kryzis. Schof padkreśliŭ, što navat va ŭmovach časovaha kiravańnia choča zachoŭvać kantrol nad klučavymi pytańniami biaśpieki, padtrymkaj Ukrainy i ekanomikaj, u tym liku na fonie mižnarodnych handlovych napružańniaŭ, źviazanych ź dziejańniami administracyi Donalda Trampa.
U Niderłandach razvaliłasia kiroŭnaja kaalicyja paśla taho, jak lidar ultrapravych prapanavaŭ całkam zabaranić imihracyju
Ispanija damahajecca pryznańnia katałonskaj movy ŭ ES: Brusel tarmozić praces
«Kolki možna heta ciarpieć?» 17 krain ES zaklikali Jeŭrakamisiju pakarać Vienhryju za parušeńnie pravoŭ ŁHBT
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary