Ministerstva ličbavaha raźvićcia, inavacyj i aerakaśmičnaj pramysłovaści Kazachstana patłumačyła mahčymuju pryčynu zahadkavych ahnioŭ u niebie nad niekalkimi haradami krainy, pieradaje Tengrinews.kz.
«U noč z 5 na 6 červienia žychary Centralnaha i Paŭnočnaha Kazachstana, uklučajučy Astanu, Karahandu, Paŭładar i Kastanaj, nazirali ŭ niebie jarki śvietłavy fienomien. Pavodle papiarednich acenak, idzie havorka pra ŭvachod u atmaśfieru adnaho z kaśmičnych abjektaŭ, što raniej znachodziŭsia na arbicie», — patłumačyła pres-słužba.
Zhodna z danymi mižnarodnych arhanizacyj, što adsočvajuć pieramiaščeńni kaśmičnaha śmiećcia, u hety pramiežak času sapraŭdy byli zarehistravany try padziei, kožnaja ź jakich patencyjna mahła vyklikać naziranuju źjavu.
Pieršaje — heta razhonny błok kitajskaj rakiety ZQ-2E.
«Čas uvachodu: 5 červienia kala 22:40. Abjekt: stupień rakiety Zhuque-2 Enhanced, zapuščanaj 17 maja kampanijaj LandSpace. Asablivaści: vykarystoŭvajecca ekałahičnaje paliva (vadki mietan i kisłarod), miarkujecca maštabnaje źziańnie pry zharańni», — havorycca ŭ pres-relizie.
Pry hetym adznačajecca, što mienavita hety abjekt najbolš dakładna supadaje pa časie i vizualnym apisańni z tym, što nazirali kazachstancy.
Paviedamlajecca, što druhi abjekt — spadarožnik STARLINK-1631 (SpaceX).
«Čas uvachodu: 6 červienia ŭ 03:41 pa ałmacinskim časie. Płanavy schod z arbity adnaho sa starych spadarožnikaŭ», — udakładnili ŭ ministerstvie.
I treci abjekt — razhonny błok japonskaj rakiety H-2A R/B. Jaho čas uvachodu — 6 červienia ŭ 00:36 pa ałmacinskim časie, jon znachodziŭsia ŭ režymie pasiŭnaha schodu.
«Na dadzieny momant adsutničajuć paćvierdžanyja danyja pra padzieńnie jakich-niebudź frahmientaŭ na terytoryi Respubliki Kazachstan abo pra naniasieńnie škody. Jak praviła, padobnyja abjekty całkam zharajuć u atmaśfiery (padzieńnie bujnych abjektaŭ na terytoryi Kazachstana małavierahodna), a sama źjava ŭjaŭlaje saboj vidoviščny, ale biaśpiečny praces», — patłumačyli ŭ ministerstvie.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary