Falšyvuju navinu adrazu padchapili ruskamiraŭcy kštałtu Volhi Bondaravaj.
«Azierbajdžanski sudździa sprabavaŭ zhvałcić asła i pamior» — post z takim hučnym zahałoŭkam raźmiaściŭ telehram-kanał rasijskaha vydańnia «Abzac» sa 135 tysiačami padpisčykami. Pryvodziacca i zajmalnyja padrabiaznaści: mužčyna pamior u vyniku ciažkaha ŭdara ŭ rajon hrudziej i tvaru. Maŭlaŭ, chutčej za ŭsio, atrymaŭ kapytami ŭ tvar.
Adkul uziałasia fejkavaja infarmacyja? «Abzac» pazicyjanuje siabie jak vydańnie, jakoje raskazvaje «aktualna, uzvažana, iranična ab hałoŭnych padziejach dnia». Nasamreč jaho publikacyi nakiravany na raspaŭsiud naratyvaŭ kramloŭskaj prapahandy.
Post ab amaralnaj śmierci sudździ supravadžajecca skrynšotam paviedamleńnia ruskamoŭnaj viersii azierbajdžanskaha sajta oxu.az. Adnak usio nie tak prosta.
Infarmacyja ab śmierci sudździ Šyrzada Husiejnava nasamreč była apublikavanaja — ale 4 sakavika 2017 hoda, a nie 4 maja 2025 hoda, jak padajecca na falšyvym skrynšocie.
Pry hetym nijakaj zhadki pra asła ŭ aryhinale niama. Vyhladaje, što rasijskija žurnalisty z dapamohaj niachitrych manipulacyj «dapracavali» artykuł. Uźnikaje pytańnie — ź jakoj metaj? Kab pryciahnuć uvahu i sabrać dadatkovyja prahlady? A mahčyma, heta była śviadomaja sproba paŭpłyvać na ŭsprymańnie Azierbajdžana i jaho hramadzian u niehatyŭnym klučy.
U padtrymku hetaj dumki možna pryvieści toj fakt, što navinu pačali raznosić pa internecie ruskamiraŭcy z usich krain SND kštałtu Volhi Bondaravaj z naratyvam «My nie ździŭleny» i «Nie darma pra ich takoje kažuć».
Učora Minsk znoŭ zatapiła. Čamu stalica nie hatovaja da daždžoŭ?4
Kamientary