U Słonimie złavili złodziejaŭ u maskach Jakuboviča. Jany zaleźli ŭ dom i padmianili hrošy na suvienirnyja
Para rabaŭnikoŭ pradumała płan da drobiaziaŭ, ale papałasia amal adrazu.
Dvoje mužčyn pryjechali ŭ Słonim z Baranavičaŭ. Jany pakinuli mašynu ŭ lesie, pierasieli na rovary i pačali pryhladać dom, jaki možna było b abčyścić.
U novym mikrarajonie na ŭskrainie horada ich uvahu pryciahnuŭ učastak z dahledžanym domam i haražom. Jany pačali sačyć za žycharami i ranicaj 16 červienia, kali tyja pakinuli dom, adzin z rabaŭnikoŭ viarnuŭsia da aŭtamabila, a druhi pralez usiaredzinu.
34-hadovy mužčyna chutka znajšoŭ u spalni aščadžeńni ŭ roznaj valucie i juvielirnyja ŭpryhožvańni. Hrošy jon padmianiŭ na suvienirnyja kupiury, kab vyjhrać čas. Z doma złodziej vynies 20 tysiač rubloŭ i 11 upryhožvańniaŭ na sumu ŭ 8 tysiač. Siabry sieli ŭ mašynu i pajechali ŭ Baranavičy.
Haspadynia viarnułasia dadomu da abiedu i adrazu pabačyła prapažu hrošaj. Jana patelefanavała ŭ milicyju, paśla čaho siłaviki zatrymali złodziejaŭ pa darozie ŭ Baranavičy, piša SK.
Usio skradzienaje znajšli ŭ mašynie ŭ zatrymanych. Akramia taho, u aŭto znajšli rovary, mabilnyja telefony, maski z tvaram rasijskaha viadučaha Leanida Jakuboviča, šalik, palčatki, binokli, radyjostancyi, stamieski, łom, nož, elektrašokier i piercavyja bałončyki. Uvohule, złodziei rychtavalisia da nalotu dbajna.
Jak akazałasia, abodva mužčyny pryciahvalisia da kryminalnaj adkaznaści: 34-hadovy žychar Łuninieckaha rajona dvojčy sudzimy za kradziažy, u tym liku ŭ asabliva bujnym pamiery, jahony 40-hadovy pryjaciel z Baranavičaŭ — za kradziež u internecie.
Na mužčyn zaviali kryminalnuju spravu ab kradziažy ŭ bujnych pamierach.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary