Pošuk u Google źnižaje kreatyŭnaść — ludzi pačynajuć dumać adnolkava
Cikavyja vyniki ekśpierymientu.
Daśledčyki z Univiersiteta Karniehi-Miełona vyśvietlili, što častaje vykarystańnie pošuku ŭ internecie moža śnižać kreatyŭnaść, piša Dev.by.
U ekśpierymiencie pryniali ŭdzieł 244 studenty, jakich padzialili na hrupy z dostupam da Google i bieź jaho. Udzielnikam prapanavali za try chviliny prydumać jak maha bolš niestandartnych užyvańniaŭ dla zvyčajnych pradmietaŭ — parasona abo ščyta.
Vyniki pakazali, što ŭ adzinočnych zadańniach internet moh trochi dapamahčy, kali vydavaŭ vialikuju kolkaść padkazak (jak u vypadku z parasonam). Ale va ŭmovach hrupavoha mazhavoha šturmu efiekt akazaŭsia advarotnym: hrupy biez Google pakazvali bolš vysokuju kalektyŭnuju kreatyŭnaść.
Aŭtary daśledavańnia tłumačać heta fienomienam «fiksacyi» — kali ludzi, ubačyŭšy raspaŭsiudžanyja prykłady, pačynajuć dumać šabłonna i paŭtarać adny i tyja ž idei. Dostup da internetu ŭzmacniaje hety efiekt: udzielniki, vykarystoŭvajučy Google, čaściej prychodzili da adnolkavych vysnoŭ i ŭ adnolkavym paradku.
U adroźnieńnie ad ich, hrupy biez dostupu da pošukavika prapanoŭvali bolš raznastajnyja rašeńni, uklučajučy ŭnikalnyja idei — tyja, što byli ahučany tolki adnym udzielnikam, i tym samym uzmacniali ahulnuju jakaść kalektyŭnaha vyniku.
Jakaść idej aceńvałasia pa troch kryteryjach: karysnaść, aryhinalnaść i tvorčaja kaštoŭnaść. U bolšaści vypadkaŭ hrupy biez Google pieraŭzychodzili «huhł-hrupy» pa karysnaści i ahulnaj kreatyŭnaści, a voś pa aryhinalnaści (naviźnie) roźnica była mienš značnaj.
«Heta pieršaje daśledavańnie, jakoje demanstruje, jak internet-pošuk moža vyklikać efiekt fiksacyi i źnižać raznastajnaść idej», — rastłumačyŭ suaŭtar pracy prafiesar Deni Apienhiejmier.
Jaho kaleha Mark Patersan dadaŭ: «Kab znachodzić niestandartnyja rašeńni dla składanych hramadskich zadač, nam treba zachoŭvać raznastajnaść myśleńnia — i ŭ hetym sensie nie zaŭsiody karysna abapiracca na adny i tyja ž anłajn-krynicy».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary