Ozi Osbarn raźvitaŭsia z fanatami na apošnim kancercie ŭ Birminhiemie
U Birminhiemie adbyŭsia histaryčny kancert — apošniaje vystupleńnie Ozi Osbarna i Black Sabbath. 76-hadovy lehiendarny frantmien, jaki pakutuje na chvarobu Parkinsona, uznačaliŭ šou Back to the Beginning pierad 40 tysiačami hledačoŭ na stadyjonie Villa Park.
Kultavy frantmien Black Sabbath Ozi Osbarn pravioŭ raźvitalny kancert u svaim rodnym Birminhiemie, na scenie stadyjona Villa Park. Heta było nie prosta vystupleńnie — heta była padzieja, jakoj čakali prychilniki z usiaho śvietu. Jak padkreślivaŭ sam Osbarn pierad kancertam, dla jaho było nadzvyčaj važna vyjści na scenu apošni raz mienavita tam, dzie pačynałasia jaho žyćcio i karjera.
Kancert prajšoŭ u miežach fiestyvalu Back to the Beginning, i kvitki byli raspradadzieny mienš čym za paŭhadziny. Z-za šalonaha popytu arhanizatary vyrašyli pravieści anłajn-tranślacyju — choć i ź dźviuchhadzinnaj zatrymkaj, ale heta dazvoliła tysiačam fanataŭ pa ŭsim śviecie stać častkaj histaryčnaha momantu.
Vystupleńnie stała sapraŭdnym śviatam dla amataraŭ chevi-mietału. Akramia solnych piesień Ozbarna, na scenu padnialisia ŭsie aryhinalnyja ŭdzielniki Black Sabbath — upieršyniu za 20 hadoŭ. Heta było raźvitańnie z epochaj — z emocyjami, uspaminami i słovami padziaki.
Ozi vystupiŭ, siedziačy na čornym tronie. Jon plaskaŭ u dałoni, machaŭ rukami i hladzieŭ na hledačoŭ svaimi firmovymi «varjackimi» vačyma — usio, jak u lepšyja hady.
«Vy navat nie ŭjaŭlajecie, što ja ciapier adčuvaju. Dziakuj vam ad usiaho serca», — źviarnuŭsia jon da publiki.
Na scenie taksama vystupili Metallica, Guns N' Roses, Slayer, Roni Vud z The Rolling Stones, Styvien Tajler z Aerosmith i inšyja rok-lehiendy.
Placoŭka pieratvaryłasia ŭ mora futbołak Black Sabbath.
Pry ŭsich prablemach sa zdaroŭjem i ŭzrostam, Ozi ŭsio jašče zdoleŭ urazić fanataŭ — jaho hołas, choć i niestabilny, zastavaŭsia mahutnym. Heta była sapraŭdnaja raźvitalnaja fiejeryja ad adnaho z samych jaskravych hierojaŭ chevi-mietału.
-
Śpiavačka Lera Jaskievič padzialiłasia bolem: «Mahčyma, ja nie zmahu vypuskać pieśni pad svaim imiem». Što zdaryłasia?
-
Ci budzie hurt «Piatla prychilnaści» praciahvać vystupać z novym vakalistam, bieź Illi Čarapko?
-
«Usie pieśni vydalenyja». Papularnaja błohierka Andžyliša pasvaryłasia z kampanijaj, źviazanaj ź niaviestkaj Łukašenki
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro13
Kamientary
Tolko čto smotrieł Mama, I'm Coming Home so včierašnieho koncierta i płakał vmiestie s prisutstvujuŝimi zritielami.