U Kobrynskim rajonie adbyłasia śmiarotnaja avaryja z udziełam matacyklista. Jak paviedamlaje pres-słužba DAI Bresckaha abłvykankama, trahiedyja adbyłasia ŭ niadzielu pozna ŭviečary, kala 23:47, u ahraharadku Dzivin.
19-hadovy junak, jaki nie mieŭ pravoŭ na kiravańnie, jechaŭ na matacykle Yinxiang YX150 razam z 20-hadovym pasažyram pa vulicy Savieckaj u Dzivinie. U peŭny momant kiroŭca nie spraviŭsia z kiravańniem: matacykł źjechaŭ na abočynu, urezaŭsia ŭ płot, a potym — u słup.
Kiroŭca zahinuŭ na miescy zdareńnia. Pasažyr atrymaŭ traŭmy roznaj stupieni ciažkaści i byŭ špitalizavany.
Na miescy pracavali supracoŭniki DAI i śledča-apieratyŭnaja hrupa. Śledstva daść pravavuju acenku zdareńniu.
Kamientary