Nastu Łojku pieraviali na paŭhoda ŭ pamiaškańnie kamiernaha typu
Jak stała viadoma «Našaj Nivie», źniavolenaj pravaabaroncy Naście Łojcy pastrožyli ŭmovy źniavoleńnia.
Pravaabaroncu Nastu Łojku adpravili ŭ pamiaškańnie kamiernaha typu (PKT) na paŭhoda.
Prablemy ŭ Nasty pačalisia paśla taho, jak vosieńniu 2024-ha jaje advieźli z kałonii ŭ Minsk dla ŭdziełu ŭ sudzie ŭ jakaści śviedki. Palitźniavolenych časam tak vyvoziać, kab jany dali pakazańni suprać novych palitviaźniaŭ. Admovicca prysutničać na sudzie nielha, ale pakazańni, naturalna, mohuć adroźnivacca.
Kali Łojku paśla hetaha viarnuli ŭ kałoniju, to pieraviali ŭ inšy atrad i prypisali šerah «parušeńniaŭ» — praz heta jana i trapiła ŭ PKT.
U PKT źniavolenaha izalujuć ad astatnich ludziej, jon pastajanna znachodzicca ŭ kamiery (moža być adzin, moža i ź niekalkimi susiedziami), traplajučy na śviežaje pavietra tolki padčas prahułak. Umovy ŭ PKT lepšyja, čym u ŠIZA, źniavoleny chacia b maje padušku i koŭdru.
Nastu Łojka zatrymali 28 kastryčnika 2022-ha. Pravaabaroncu asudzili da 7 hadoŭ źniavoleńnia pa artykule 130 KK («raspalvańnie varažniečy»).
«Naša Niva» — bastyjon biełaruščyny
PADTRYMAĆ
Kamientary