Bieły dom pieraŭtvarajecca ŭ kazačny pałac: Tramp buduje balnuju zału za 200 miljonaŭ dalaraŭ
Donald Tramp praciahvaje pierarablać Bieły dom na svoj kapył — i asabliva važna dla jaho, kab było jak maha bolš załatoha blasku.
Ciapier jon źbirajecca pabudavać raskošnuju balnuju zału va ŭschodnim kryle. Košt prajekta: 200 miljonaŭ dalaraŭ, piša Bild.
«Heta budzie vialikaja spadčyna», — zajaviŭ prezident.
Budaŭnictva pavinna pačacca ŭžo ŭ vieraśni — i zaviaršycca da zakančeńnia druhoha prezidenckaha terminu Trampa ŭ studzieni 2029 hoda.
Novaja zała budzie źmiaščać da 650 haściej — heta ŭ try razy bolš, čym East Room, raźličany ŭsiaho na 200 čałaviek. Na budaŭničych płanach jość załatyja lustry, jakija źvisajuć u jarka aśvietlenaj zale z raskošnaj azdobaj.
«Na praciahu 150 hadoŭ prezidenty, urady i supracoŭniki Biełaha doma maryli pra vialikuju zału dla mierapryjemstvaŭ prosta na terytoryi rezidencyi», — skazała pres-sakratar Trampa Kerałajn Livit.
Pachvaliła prezidenta i kiraŭnica administracyi Biełaha doma Sjuzi Uajłs: «Tramp — budaŭnik u dušy i vałodaje vyklučnym pačućciom da detalaŭ».
Pavodle zajavy Biełaha doma, vydatki na hety prestyžny prajekt pakryjuć pryvatnyja sponsary, a taksama sam Tramp.
Adnak i krytyka nie prymusiła siabie čakać: niekatoryja naziralniki abvinavačvajuć respublikanca ŭ samaŭzvyšeńni i žadańni raskošy.
Žurnał New York Magazine navat sarkastyčna nazvaŭ svaju artykuł: «Tramp pieraŭtvaraje Bieły dom u Mar-a-Łaha» — majučy na ŭvazie jaho raskošnuju siadzibu ŭ Fłarydzie, viadomuju svaim vyčvarnym stylem i vialikaj kolkaściu zołata.
-
Prykładna pałova ludziej, jakija vyžyli paśla teraktaŭ 11 vieraśnia, zachvareła na rak
-
U Francyi znoŭ abvastryłasia sprečka vakoł karciny Marka Šahała pad stollu Paryžskaj opiery
-
U Ńju-Jorku adnavili Viežy-bliźniaty ŭ naturalnuju vieličyniu z dapamohaj 2977 dronaŭ — pa kolkaści achviar terakta 11 vieraśnia
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary