Kavieryn nie budzie vykazvacca pra situacyju Stryžaka. Kab nie vykraślili z prafiesii i jaho
Viadučy prahramy «Obyčnoje utro» Kanstancin Kavieryn pryznaŭsia ŭ fejsbuku, što nie navažvajecca publična skazać usio toje, što dumaje adnosna kiejsa z dykpikami Andreja Stryžaka, bo baicca niejkaj siły ź vialikaj kolkaściu resursaŭ.
«Ja razumieju, što bajusia vykazać svajo mierkavańnie ŭ publičnaj prastory, bajusia sfarmulavać pytańni, na jakija sam dla siabie ja pakul nie znachodžu adkazu. Ja bajusia toj siły, jakaja biez rasśledavańnia i suda ź lohkaściu jak by admienić mianie.
U hetaj siły dastatkova resursaŭ, kab u adzin momant vykraślić mianie z prafiesii, abazvać durniem, zrabić znosiny sa mnoj inšych ludziej abo arhanizacyj taksičnymi. Padkreślu: biez rasśledavańnia i suda. A prosta tamu, što jana ličyć, byccam by maje na heta prava.
Ale bolš za ŭsio mianie pałochaje žalezabietonnaja, manumientalnaja, niepachisnaja ničym i nikim upeŭnienaść hetaj siły va ŭłasnaj racyi. Navat kali jana nie maje racyi. Joj byccam by zahadzia viadomyja adkazy na ŭsie pytańni. Ale tolki kali pytańni hetyja nie zdaducca joj abraźlivymi, traŭmirujučymi abo źnievažalnymi.
Chto vyznačaje, abražajuć jany, traŭmirujuć, źnievažajuć ci nie? A voś sama hetaja siła i vyznačaje.
Na žal, ja pryznaju: hetaja sistema kaardynataŭ mnie nie pa zubach. Rabić vyhlad, što pa zubach, ubudavacca i ŭtulna raźmiaścicca dzie-niebudź z krajočku hetaj sistemy ja nie chaču. Heta budzie jak minimum niesumlenna. Ale i chadzić pa minnym poli ja admaŭlajusia.
Tamu lubyja maje mierkavańni (a taksama i pytańni) na temu «Andrej Stryžak i niaprošanyja dykpiki» ja pakinu dla siamji, dla siabroŭ, dla kuchniaŭ. Mnie było strašna havaryć u Biełarusi. Mnie strašna havaryć i za jaje miežami», — zajaviŭ Kanstancin Kavieryn.
Cichanoŭskaja pra spravu Stryžaka: Toje, što zrabiŭ kiraŭnik — nie padstava razburać fundamient
Spoviedź Stryžaka: Ja maju prablemu z seksualnaj zaležnaściu
«U nas tatalnaje padzieńnie». Pradstaŭnica dyrektarata Bysol prakamientavała skandał sa Stryžakom
Navošta mužčyny šluć žančynam dykpiki?
«Hetaje haŭno treba spyniać». Kurs, Roŭda, Łojka dy inšyja biełarusy pra dykpiki Stryžaka
Niekalki aktyvistak abvinavacili Stryžaka: vysyłaŭ im dykpiki
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii31
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4343
Kamientary
Heta čałaviek niebiaśpiečny dla hramadstva! Jamu nielha daviarać nie tolki pracu za hrošami, ale i prosta ź ludźmi pracavać. Siońnia heta žančyny, a zaŭtra mohuć być tvaje dzieci!!!