U Litvie padraździaleńnie SPA pieramiaścili bližej da miažy ź Biełaruśsiu
Śpiecyjalnaje padraździaleńnie supraćpavietranaj abarony litoŭskaj armii pieramiaścili bližej da miažy ź Biełaruśsiu z-za pahrozy bieśpiłotnikaŭ. Jak paviedamiŭ hałoŭnakamandujučy armijaj Litvy Rajmundas Vajkšnoras, heta rašeńnie było pryniata paśla incydentu, kali bieśpiłotnik pieralacieŭ ź Biełarusi na terytoryju Litvy.
Rajmundas Vajkšnoras adznačyŭ, što ciapier padraździaleńni SPA ŭzmocnienyja, a bataljon, zdolny vyjaŭlać i źniščać pavietranyja pahrozy, užo pierakinuty bližej da miažy.
Taksama Vajkšnoras paviedamiŭ, što z nastupnaha hoda Litva pačnie vykarystoŭvać ukrainskuju sistemu hukavoha vyjaŭleńnia bieśpiłotnikaŭ.
Ministarka abarony Litvy Daviłė Šakalenė dadała, što najaŭnaja sistema nazirańnia nie zdolnaja efiektyŭna vyjaŭlać małyja i manieŭranyja celi na nizkaj vyšyni, asabliva ŭ składanych umovach nadvorja. Jana adznačyła, što płanujecca madernizacyja naziralnych sistem, nabyćcio novaj techniki i paskareńnie pracesaŭ zakupak.
Ranicaj 28 lipienia žychary litoŭskaha pamiežža ź Biełaruśsiu, u tym liku i staličnaj Vilni, paviedamili pra mahčymy bieśpiłotnik, jaki jany bačyli i čuli. Davile Šakalenė dapuściła, što dron moh zalacieć u Litvu z-za ŭździejańnia ŭkrainskich sistem radyjoelektronnaj baraćby, ale pakul što jaho ŭvohule nie znajšli.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary