«Vielmi zakłapočanyja». Łukašenka raskazaŭ, jak na jahonyja sproby pieramaŭlacca z amierykancami reahujuć u Rasii
Amierykanski žurnalist Sajman Šuster padčas intervju zapytaŭsia ŭ Łukašenki, ci nie vyklikajuć zafiksavanyja apošnim časam jahonyja sproby naładzić adnosiny z ZŠA niehatyŭnaj reakcyi z boku Rasii.
Łukašenka nie staŭ admaŭlać, što peŭnyja prablemy ŭ hetym płanie ŭźnikajuć. Maŭlaŭ, u Rasii jość roznyja ludzi i staviacca jany pa-roznamu.
«Jość ludzi, jakija vielmi zakłapočanyja. I dziŭna, što hetyja ludzi ŭvachodziać u kabiniety Ministerstva zamiežnych spraŭ, Administracyi prezidenta i hetak dalej».
Pa jaho słovach, napiaredadni intervju jon atrymaŭ niejki dakumient na hetuju temu, jaki ŭ jahonaj administracyi sprabavali analizavać. Maŭlaŭ, ciapier ź Biełaruśsiu pracujuć rasijskija dypłamaty, jakija pracavali na Zachadzie jašče ŭ časy Barysa Jelcyna, i voś jany starajucca acanić situacyju. I siarod taho, što jany pišuć, śćviardžajecca, što Biełaruś viarnułasia da palityki šmatviektarnaści, i heta kiepska.
«Sami pravodziać šmatviektarnuju palityku, a nam nielha», — aburajecca Łukašenka.
Takoj dumki prytrymlivajecca, jak jon śćviardžaje, «adna hrupa ludziej», na čale jakoj — «salidny instytut». Raskryć jaho nazvu Łukašenka admoviŭsia, adno tolki skazaŭ, što heta nie rasijskaje MZS. Hetyja ludzi, maŭlaŭ, pišuć heta ŭsio i adpraŭlajuć u roznyja vysokija rasijskija instancyi, na što jon źbirajecca skardzicca Pucinu.
Što da kamunikacyi z samim Pucinym, to Łukašenka havoryć, što jon asabista jamu zaŭvah na hety kont nibyta nie rabiŭ, ale «viedajučy charaktar Uładzimira Uładzimiraviča, jon absalutna ćviarozy ŭ acency situacyi, u jaho moža i zakradajucca niejkija sumnievy». Nikoli, praŭda, pra heta nie havoryć, ale «ja dapuskaju, što moža być, moža być».
Usio heta, viadoma, Łukašenku niepryjemna, ale niebiaśpieki ŭ hetym jon nie bačyć, bo «asnoŭny trend — poŭnaja padtrymka našaj pazicyi i poŭnaje ŭzajemarazumieńnie».
Uvohule rasijanam Łukašenku niama ŭ čym, maŭlaŭ, paprakać.
«My nikoli nie admaŭlali, što my suahresary z Rasijaj. Tak, my suahresary», — niekalki razoŭ paŭtaryŭ jon.
Maŭlaŭ, kali amierykancam chočacca tak ličyć, to chaj tak i budzie, a jon z-za hetaha ŭvohule «nie parycca».
Łukašenka: Kali ŭstupić u vajnu z Ukrainaj, Biełaruś nie zmoža ŭtrymać front
Łukašenka pra mahčymaść bałatavacca na jašče adzin termin: Trampu chutka 80, i jon prystojna vyhladaje
Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy
Łukašenka nazvaŭ raźniu ŭ Bučy dobra spłanavanaj akcyjaj
Łukašenka: Tramp — bałbatun, ranicaj havoryć adno, viečaram robić inšaje
Ciapier čytajuć
Praca fizičnaha ofisa Cichanoŭskaj u Vilni časova prypyniena94
Kamientary