На электронных таргах камітэта «Віцебскаблмаёмасць» прадалі недабудаваны аб’ект у вёсцы Лескавічы Шумілінскага раёна за 5 355 рублёў — крыху больш, чым была стартавая цана. Купец быў адзіным удзельнікам таргоў, піша «Витебский курьер».
Гэтая пабудова вядомая як сядзіба Хлюдзінскіх. Яе пачалі ўзводзіць на пачатку ХХ стагоддзя паводле праекта брытанскага архітэктара Макея Х’ю Бэйлі Скота, аднаго з вядучых прадстаўнікоў руху «Мастацтва і рамёствы». Сям’я Хлюдзінскіх заказала праект асабіста ў яго — рэдкая з’ява для таго часу, што падкрэслівае высокі статус роду і цікавасць яго прадстаўнікоў да еўрапейскай культуры.
Дом у стылі, блізкім да замка, пачалі будаваць на ўзвышшы з выглядам на возера Лескавічы, але Першая сусветная вайна і наступныя падзеі спынілі работы. Сёння ад яго засталіся толькі падмурак і частка муроў з цэглы і прыроднага каменю.
Аб’ект знаходзіцца ў водаахоўнай зоне, таму яго далейшае выкарыстанне абмежаванае. Новы ўладальнік атрымае зямельны ўчастак плошчай 0,169 гектара ў арэнду на 99 гадоў і зможа выкарыстоўваць яго толькі для стварэння турыстычнага аб’екта.
Сядзіба звязаная з іменем Уладзіслава Хлюдзінскага — значнай постаці ў гісторыі Лескавічаў. Да продажу яна была на балансе Светласельскага сельсавета, а атрыманыя грошы паступяць у бюджэт раёна.
Што будзе з гэтымі «рамантычнымі руінамі» далей, залежыць ад планаў новага ўладальніка.
На Віцебшчыне прадаюць унікальную сядзібу, па праект якой гаспадары ездзілі ў далёкую Брытанію
«Байсол» выставіць на аўкцыён лімітаваную серыю гадзіннікаў
Аляксандра Герасіменя пра продаж кватэры з аўкцыёну: Патэлефанавалі ўласніку і сказалі, што будуць адбіраць
На аўкцыёне ў Францыі прадалі ношаную шкарпэтку Майкла Джэксана
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары