Adzin z samych stabilnych ledavikoŭ śvietu pačaŭ rastavać z rekordnaj chutkaściu
Adzin z samych viadomych i raniej stabilnych ledavikoŭ śvietu — Pieryta-Marena ŭ Patahonii — pačaŭ imkliva rastavać, demanstrujučy rekordnuju chutkaść za apošniaje stahodździe.
Pavodle daśledavańnia, apublikavanaha ŭ časopisie Communications Earth & Environment, ledavik, jaki ŭvachodzić u Śpis suśvietnaj spadčyny JUNIESKA z 1981 hoda i štohod pryciahvaje sotni tysiač turystaŭ, stračvaje kantakt ź ćviordaj parodaj pad saboj.
Heta pryvodzić da chutčejšaha rastavańnia i adstupleńnia lodu. Navukoŭcy prahnazujuć, što ŭ najbližejšyja hady jon moža adstupić jašče na niekalki kiłamietraŭ.
Aŭtar daśledavańnia Moryc Koch z univiersiteta Frydrycha-Alaksandra ŭ Hiermanii adznačaje, što ledavik užo bolš za dziesiać hadoŭ znachodzicca ŭ niestabilnym klimatyčnym stanie i pastupova adryvajecca ad centralnaha «punktu fiksacyi».
Kamanda daśledčykaŭ vymiarała taŭščyniu lodu pry dapamozie radara pad viertalotam, sanaru na voziery i spadarožnikavych zdymkaŭ.
Navukoŭcy papiaredžvajuć, što rastavańnie ledavikoŭ, asabliva ŭ palarnych zonach, moža pryvieści da niebiaśpiečnaha pavyšeńnia ŭzroŭniu suśvietnaha akijanu, pahražajučy žyćciu i žyllu žycharoŭ prybiarežnych i astraŭnych rehijonaŭ. Daśledavańni takich ledavikoŭ, jak Pieryta-Marena, dapamahajuć zrazumieć budučyniu hihanckich ledavikovych sistem Antarktydy.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary